2016年4月26日 星期二

「多元智能」兒童全能跑、鯨魚花園、成長迷宮@愉景新城

嘩!正呀!冇嚟愉景新城一排,原來多咗咁多嘢玩。等我哋逐一發掘,逐一全面睇先~~~
呢個超級無敵大充氣彈床好吸引呀!係咪勁想玩呢?

遊戲名為「多元智能」兒童全能跑,想玩就要留意牌上嘅資料喇!(按圖可放大)

起點

要攀爬至最頂

上到去,考驗嚟喇!要攬住條大水管爬過對面,如果唔小心就會跌落去㗎喇!

完成考驗就要攀爬番落嚟~

通過柱體嘅障礙物

穿過迷宮同埋其他障礙物

最後sir埋滑梯就到達終點喇!

嚟囉嚟囉!去買飛囉!

召集好一小隊小朋友,遊戲即將開始

由起點進發~ gogogo~~~

爬過大水管~ 咦!冇跌咗落去喎!XD

攀爬番落嚟~

通過柱體障礙區

穿過迷宮

繼續解決其他障礙物

sir滑梯到達終點!yeah~

突然多咗個新地方:鯨魚花園

真係有好大條鯨魚喎!

鯨魚嘅身體有條sir滑梯,唔怪之得咁多小朋友湧晒上去啦!

Wee~~~~

魚尾部份都有嘢玩㗎!

原來仲有長頸鹿

好熱鬧呀!

打下鼓先~

爬下攀架~

氹氹轉,無論大大小小嘅小朋友都咁喜愛~

晴朗後面嘅係一個巨型硬紙板雕塑迷宮嚟!

名為「成長迷宮」,想玩就要留意牌上嘅資料喇!(按圖可放大)

整得好靚,佩服製作人員嘅手工

唔講咁多,即刻就入去玩!

迷宮入口

yeah~ gogogo~~~

響呢度玩捉迷藏一流,玩得勁開心呀!

玩嘅期間不忘欣賞一下迷宮嘅設計,真係好有心機

紙板上嘅圖畫好可愛呀!

十分欣賞!

咁好玩,所以多人到不得了呢~

巧遇車展,好似有好多正嘢喎!去囉去囉!~

免費爆谷

充氣彈床,排隊就有得玩喇!

車身有sir滑梯,小朋友sir到勁high!

即場手繪紋身,想玩就排隊啦!

呢位小妹妹好可愛呀!啱啱玩完手繪紋身就比我哋捉住咗影相~ XD

睇下朵花畫得幾靚~

like佢哋facebook,仲有汽球派發添喎!

等梗汽球期間,姐姐同晴朗傾計,敬業樂業值得讚!

汽球到手喇!yeah~

兩個汽球就可以換來小朋友嘅笑容,快樂就係咁簡單啦!

順便試埋車先~ hahaa

原來車展都可以好好玩呀!

最開心不過嘅梗係入去玩具反斗城貢下啦!

嘩!大豐收!
愉景新城呢個商場可以話陪住晴朗一同長大,新裝修過後,無論店舖以至活動都好啱我哋family day嘅時候去玩、去趁下熱鬧。
「多元智能」兒童全能跑,全個場都係由充氣彈床造成,聽朗朗講好好玩。$50/6分鐘嘅時間玩到3轉,真係要全能跑嘅體力至得!啱晒精力無限嘅小朋友啦!不過留意番身高要達110-150cm嘅規限,太細嘅小朋友就冇得玩喇!晴晴唔夠高度,唯有在旁為哥哥加油!活動去到6月23號,大家有時間都帶埋小朋友去玩下啦!
最富挑戰性嘅一part~

鯨魚花園暫時係免費開放嘅,開放時間每日由上午11:00至晚上8:00。由5月1號起需要消費先有得玩,每節55分鐘。開放時間由下午1:00至晚上6:00,星期六、日及公眾假期由中午12:00至晚上7:00 (清潔時間下午2:00-2:30)。呢個我哋一定會再來玩過呀!
成長迷宮,整個迷宮都係用手繪嘅紙板造成,好handmade好好玩。消費滿$100就可以玩一次喇!玩嘅期間記得細心欣賞一下紙板上啲圖畫,真係畫得好靚㗎!
Smart車展原來啱啱已經圓滿結束喇!好難得見到一個咁落本嘅車展,我哋都玩得好開心呀!希望唔駛好耐會再有類似活動啦!

愉景新城 D · Park
地址:荃灣青山公路398號愉景新城
網址:http://www.dpark.com.hk