朗朗從BB時代就已經好鍾意砌LEGO喇！
由大顆粒，砌到細顆粒，難度越高就越鍾意。
晴晴亦受住哥哥影響，一樣都愛上咗LEGO，有時唔識又可以向哥哥學習，透過砌LEGO促進兄妹關係都唔錯呀！
既然家有兩個LEGO fans，當然唔會錯過荃灣廣場最近做梗嘅promotion啦！
一齊嚟睇下有咩嘢好玩喇喂！
LEGO Bricks誕生60週年，荃灣廣場特別同LEGO合辦「荃灣廣場xLEGO® 我們的遊樂場」，小朋友暑假又多個好去處喇！
場內所有佈置都係由積木堆砌而成，就好似走進LEGO世界咁呀！
好似呢部LEGO車咁，你哋估下用咗幾多粒LEGO砌成呢？答案係...多到數唔到~ XD
嘩！5米長嘅LEGO雙層巴士，整得好逼真！@.@
上到去，除咗可以一嘗巴士司機癮之外，仲可以扮下乘客，晴朗都變埋LEGO人仔喇！XD
嚟到「搞『軌』火車站」呢度，晴朗先玩玩大顆粒LEGO，warm up一下！
咦！晴朗發現咗一樣新奇有趣嘅玩意，原來可以用平板電腦智能搖控小火車向前、向後行，太神奇喇！
除咗控制小火車，仲有啲小遊戲玩添！手指揮一揮就可以搬動遊戲中嘅LEGO，好有趣！
影相位又點只門口果幾個呀？話明係「我們的遊樂場」，梗係唔少得氹氹轉啦！氹氹轉...菊花園....炒米餅...燸呀燸米團....
小朋友到公園玩最易識到新朋友，睇下晴晴話咁快就同新朋友玩到爛熟喇！XD
LEGO組合屋有成4米咁高，整得咁靚仲以為只係裝飾，原來真係可以瀡架！去玩囉！正呀！最搞笑嘅係，朗朗初時話驚高唔敢玩，點知瀡過一次之後，就不停loop住瀡喇！真係咁好玩？
響呢粒巨型2x4紅色LEGO之下，我哋變得好渺小呀！@.@
行近啲睇真啲，原來係由LEGO砌出嚟架！總共用咗13萬粒，堅犀利！
晴朗二話不說就不停響度砌，仲話要送畀我，兩個心心好窩心呢！^^
到「極速天地」設計獨一無二嘅跑車先！
晴晴砌咗兩部鴨仔車，朗朗就砌咗一部有好多尾巴嘅車仔....說好的跑車究道去咗邊度呢？@@'''
所以話唔可以單憑外表就斷定一部車嘅性能，原來鴨仔車放到上去極速高台跑道都變得好跑得喎！
晴朗所設計嘅車不停來回跑道，覺得飛馳得唔夠好，又再改裝過，剩係呢part都玩咗好耐喇！@@'''
離遠已經見到大大隻黃色小鴨響「百變小鴨池」啦！
響呢度可以砌下小鴨同LEGO小花，晴朗都盡情發揮創意，想整咩就砌咩啦！
鴨仔團嚟喇！晴晴話最前一隻係鴨媽媽，帶住一班鴨bb出去玩喎！
兩個仲好興奮咁話要砌一個遊樂場畀班鴨仔玩添！^o^
嘩！呢個遊樂場種植咗好多花花，唔只好玩，環境仲好靚添喎！
號外呀！號外呀！鴨仔遊樂場開幕喇！鴨仔們都好心急，隻隻都急急腳要上去玩下~ XD
玩完一大輪之後，唔好忘記過隔離睇埋來自丹麥嘅歷史展品喎！每一項珍藏都大有來頭，等我同大家介紹一下啦！
「60之磚」- 樂高顆粒60歲生日，自然會有生日蛋糕慶祝啦！呢個蛋糕獨特之處係，每一層都包含咗樂高唔同嘅成就、地標同里程碑，值得細味欣賞~
「電話新世代」- 時代變遷，由以前嘅大哥大，轉眼間就去到今時今日嘅智能電話同平板電腦，科技真係一日千里，代表咗樂高能夠與時並進，一直都咁受歡迎嘅意思。用LEGO砌出嚟就更加有趣喇 !
「風之后」- 李麗珊？大家都唔會陌生喇卦？呢副模型紀錄咗珊珊響風帆比賽衝線同頒獎嘅一刻，為香港攞咗第一面奧運金牌，好難忘呀！
「登月計劃」- 太空一向給人深不可測嘅感覺，用LEGO 砌出一個球體形狀嘅地球，好amazing呀！一齊去登陸月球囉！*o*
場內仲有好多款展品，晴朗都感到好好奇，慢慢睇，啲細微細眼位做得好細緻，細心睇會發現好多有趣位~
我唔逐一介紹喇！留番啲神秘感，有待大家到場內發掘更多樂趣。除咗多款世界大事模型之外，仲有LEGO唔同年代嘅產品，由1950年講到去2010年，就好似搭咗時光機咁一齊回顧重溫~
淨係睇包裝都知係古董啦！XD
早期嘅LEGO設計多數圍繞住屋仔、車仔、交通工具...等，咁小朋友玩嘅時候順便認識埋生活中嘅事物，概念唔錯喎！
原來樂高啲人仔係70年代先誕生架！有人仔，模型就顯得更加生動有趣喇！
90年代開始推出啱女仔玩嘅LEGO模型，砌LEGO再唔係男孩子嘅專利喇！哼哼~
用平板電腦同LEGO 火車互動嘅遊戲，原來今年先推出架咋！科技咁新，唔怪之得之前未見過啦！
睇完珍藏展，唔駛提，小朋友一定會記得過埋去期間限定店揀選心儀禮物，店內有多款LEGO 套裝。就算唔買都去睇睇啦！XD 仲有限量別注版紀念精品，包括60週年紀念火車同貨車、經典樂高積木筆筒，只要消費滿指定金額+like荃灣廣場facebook或instagram就可以換領喇！換完即止，手快有，手慢冇喇！
荃灣廣場xLEGO® 我們的遊樂場對於晴朗嚟講，可以激發無限想像力，創作出獨一無二嘅跑車、花圃、鴨仔、心心同遊樂場，梗開心啦！
跑嚟跑去，玩一陣LEGO又去瀡一陣滑梯，真係冇時停呀！
呢度簡直係對小朋友創意、身手同智慧嘅重大挑戰。而我哋大人響珍藏展亦了解多咗LEGO由創辦至今嘅歷程，展品全部都係由丹麥運至香港，亦都係首次響香港展出，認真大開眼界！
大家都趁住暑假，帶埋小朋友一齊嚟到荃灣廣場大玩LEGO一番，共享親子時光啦！
活動詳情 (可按圖放大)
荃灣廣場xLEGO® 我們的遊樂場
日期：2018年7月20日至9月2日
地址：荃灣大壩街4-30號 (港鐵荃灣西站A2出口)
電話：2498 8343
網址：http://www.tsuenwanplaza.com.hk
facebook：http://www.facebook.com/TsuenWanPlaza
FIND US on:
BLOGs:
CONTACT US:
