2017年12月21日 星期四

【天賦潛能】兒童DNA檢測@22Plus

早排睇電視介紹過同小朋友去做DNA測試就可以知道佢嘅天賦係啲咩?Talent test可以畀家長知道小朋友邊方面強啲就加以培育,邊方面弱啲需要多加注意。聽到我都有啲心郁郁想帶晴朗去試下呀!目的唔係想裁培佢哋文武雙全,十項全能。當係多個數據去了解自己小朋友都好呀!唔知係唔係想下想下念力太大嘅關係,跟住就收到22Plus嘅邀請喇!可以讓晴朗有機會試下呢個檢測,開心都嚟唔切呀!一於同大家分享一下過程係點嘅啦!


一去到檢測中心,晴朗就已經大肆倒亂喇!跳跳紥冇時停,對住佢哋真係少啲精力都唔得呀!^^'''


晴晴手上拎住嘅就係呢set抽取DNA嘅功具,抽取之前,家長先填一填同意書啦!


套功具簡單易用,如果冇時間嚟到檢測中心,自己在家動手幫小朋友抽都得㗎!搞掂之後寄番去畀佢哋就ok!


晴朗對呢款棉花棒感到好好奇,因為比起我哋平時用嘅大支好多呀!


化驗師先請晴朗飲啲水,口腔濕潤啲就會易抽取啲㗎喇!


晴晴自告奮勇抽先,原來用棉花棒挖幾挖就已經可以抽取細胞,晴晴話個感覺似「R」痕喎!XD


話咁快完成就到朗朗,佢就覺得似吸走咗佢啲口水咁,好搞笑呀!XXD


晴朗抽取DNA過程順利完成!Yeah!!! 等三至四星期就有報告睇,好心急想知結果呀!

一個月後,收到通知可以番去睇報告喇!Wow~ hoo~~


實驗室經理同我講解完晴朗嘅報告,令我發現基因係一樣好有趣嘅事嚟呀!


番到屋企,晴朗已經急不及待想知自己嘅基因係點喇!睇下自己果份,又睇下對方果份,仲響度比較一下添!~.~


今次晴朗嘅test主要係睇天賦,包括咗語言天賦同學習能力,每人都有一本屬於自己嘅詳細報告~


結果幅圖就好似能量bar咁,越高就當然越好啦!晴朗嘅語言天賦都屬於良好級別~


而學習能力主要係睇抗肌肉萎縮基因,原來同肌肉萎縮症有關。科學家後期發現好多人嘅呢個基因同佢哋嘅學習能力有好密切嘅關係,所以佢哋會睇呢個位置去界定每個人嘅學習能力。外國亦有好多研究發現呢個位除咗會導致肌肉萎縮症之外,都會好影響人嘅學習能力同專注力。晴朗嘅基因排列都係屬於良好呀!

每項結果後面仲會有埋針對性方案畀番家長,可以了解多啲點樣幫助小朋友提升各項能力,真係夠晒體貼喇!


如果語言天賦強嘅小朋友會較易分辨聲音和聲調變化,文法組織力會強啲,說話亦會流暢啲。對於較弱嘅小朋友,家長可以從簡單嘅句子入手,唔好講得太複雜,由淺入深,等小朋友慢慢明白及掌握。亦可從故事中多發問問題,以遊戲方式鼓勵小朋友表達自己。如果文法用錯咗,就慢慢調較番正確。可善用環境,多啲帶小朋友外出接觸不同事物,吸引佢哋嘅注意力,都有助刺激語言發展㗎!


學習能力高嘅人較善於執行一啲細微嘅嘢!比較鍾意學新嘢!具有探索和進取精神。而學習困難嘅小朋友可能會對聽力、閱讀方面冇咁強,甚至會有學習困難症。

針對性方案可以激發小朋友多啲,畀多啲唔同嘅嘢佢試,引導佢尋求知識嘅動力,好好培養佢嘅學習技巧。唔好一次過畀太高難度,由初級學起,慢慢訓練,佢學得好之後,自然有信心學更難嘅嘢啦!

報告之中,就連基因排列都check到!知道咗基因排列之後,就可以從data base睇番屬於邊一個級別。巧合地晴朗兩個嘅基因排列竟然係一模一樣,兩個基因能夠一樣嘅機率只有八份之一,好明顯佢哋都係同一出處,冇執錯bb啦!好喇好喇!既然一樣,就唔駛比較,冇人會因為咁而唔開心~^^


天賦與基因,大家都應該知道基因係一對一對來自父母嘅啦!總共有23對染色體。科學家發現咗其實有幾萬個唔同嘅基因同人嘅性格、天賦、皮膚等等悉悉相關。睇基因就好似睇一本書咁,可以睇得出每個人嘅外表、性格、體質等等。

可能有朋友會問,係唔係個個去做talent test都會得到「良好」?梗係唔會啦!每個人嘅基因都唔同,天生都會有唔同嘅條件。呢個都係一個好好嘅指標,父母可以因應小朋友天生嘅唔同條件,而去畀適當嘅training佢。又或者唔好畀太多training佢,專注番去第二啲方面發展。例如語言能力比較差,無理由繼續畀多啲機會佢去學多幾個語言,令到小朋友辛苦㗎?咁咪會更加對語言冇興趣囉!可以根據唔同年紀,畀唔同嘅training佢,簡單啲即係「對症下藥」。始終基因畀我哋嘅嘢未係全部,後天嘅努力都好重要㗎!


今次嘅結果令我更加了解晴朗本身嘅能力去到邊個位置,如果比較弱可以睇下點樣去幫佢哋,如果高嘅就可以放手畀更多高難度去裁培佢哋。不過講到尾,無論叻與唔叻,晴朗都係我嘅好寶貝。但有咗呢啲數據參考,將會有助日後安排唔同嘅興趣發展畀佢哋。做人就最緊要開心啫!而搵到啱自己嘅嘢,人生都會開心啲啦!一齊為我哋嘅小朋友而努力呀!共勉之~^^

晴朗在檢測中心抽取DNA過程:


22Plus
地址:香港九龍灣宏光道一號億京中心A座28樓
電話:2697 1115
網址:http://22plus.com
facebook:https://www.facebook.com/pg/22PlusGenomic


FIND US on:
  "  "   

BLOGs:

 

CONTACT US:

沒有留言:

張貼留言