2016年11月9日 星期三

大嶼山自駕遊:大佛、大澳

自從運輸署推出「大嶼山自駕遊」計劃後,揸車入大嶼山就方便得多喇!難得成功申請許可證,一於安排好想去嘅景點,盡情響大嶼山玩番一日囉!
大嶼山啲路彎多路窄又多斜路,對喜歡駕駛嘅朋友來講,相當富有挑戰性。至於身為乘客嘅我哋,當然就可以盡享車程中嘅湖光山色啦!


前面就係通往大嶼山(南)嘅封閉路段喇!我哋入去囉!gogogo~~


沿途風景十分怡人,簡直係大飽眼福~


我哋正前往大佛,跟「石壁」牌行就啱喇!


途經(1)長沙海灘,忍唔住要停下來睇下。不過落車要小心啊!因為地上隨處可見牛便便~ XD


嘩!風景好靚呀!*o*


雖然經過長沙多次,停下來欣賞都係第一次。沙灘真係好長,浪不停拍打岸邊,狗狗正在嬉水玩耍。此情此景,盡入眼簾~


在大嶼山駕駛時會見到一啲平日比較少見嘅道路標誌,好似呢個咁,晴晴就問我點解會有隻牛喇!連小朋友都察覺到嘅嘢,冇理由大人估唔到喎!


過咗一陣,在路邊巧遇牛牛。駕駛時真係要「小心牛隻」呀!


有啲路段車速限制30,唔熟路之下就更加要以安全車速駕駛啦!


話咁快就到達大佛停車場,泊好車之後,就開展我哋嘅大佛之旅喇!


停車場其實係響(2)昂坪市集側,經過市集順便行下街啦!


見到有3D展板免費畀遊客影相,好得意呀!


又結多次婚?我啋~ 不過原來在大澳出嫁係咁有特色㗎!下一世不如試下囉!XD


見到(3)大佛喇!即將要嚟一個近距離接觸,預備好體力未先?


長命樓梯在此,一二三加油呀!


第一次帶小朋友一齊行呢段路,估唔到晴晴都好夠腳骨力喎!


到達天檀大佛之後,回望一下,大地在我腳下!hohoo~~~


就響呢度欣賞一下大佛係何其宏偉壯觀啦!


位於大佛之下,人變得很渺小


近距離一睹大佛正面,相信就係所有人行咁多級樓梯嘅推動力喇!


望出去嘅海景,實在令人心曠神怡~


響呢度亦可以望到正在運行嘅昂坪360吊車


今日天氣真係好到不得了呀!


欣賞完一輪景色過後,我哋又去搵嘢食喇!


N年前到過寶蓮寺食齋和豆腐花,唔知而家檔豆花仲響唔響度呢?


響度呀!仲擴充咗有埋點心食添!


奶黃水昌糕、砵仔糕、白糖糕、眉豆茶粿、西米布甸、菠蘿包、春卷、煎堆仔、糯米糍....等等一應俱全


坐低開餐lu喂!~~


行咗咁耐,梗係要食啲嘢補充下體力啦!唔係邊有力繼續之後嘅旅程呢?又有藉口食嘢喇!XD


呢度環境唔錯,食飽仲可以行下添!


離開大佛嘅時候不忘同佢say byebye~


巧遇牛牛,唔通連牛牛都要嚟參觀大佛?哈哈!


話咁快已經到達下一站:大澳


我哋首先到(4)東方小祇園開餐


睇下有咩嘢好食先~


等待食物嘅時間有咩好做?不如出去四圍逛逛啦!晴晴見到曬果皮,又係長知識嘅好時候喇!


嘩!樹上好多木瓜呀!


小橋流水中亦都有好多游來游去嘅魚毛仔


嘢食到喇!唔講真係唔知原來呢度除咗齋菜,亦都有肉類嘅菜式。好似呢碟生炒排骨就真係肉嚟㗎喇!


我唔客氣喇!


食飽就梗係再玩過啦!到附近嘅兒童遊樂場放電去~


正式展開大澳之旅~ yeah!!!


自小已經常常跟家人來大澳閒逛,所以我同大澳有著不解之緣,一有空便會來行下~


嚟過大澳嘅朋友都知無論大街小巷都有好多海味、鹹魚、蝦醬賣,都算係大澳嘅特色之一


今次來見到多咗一啲新店舖,又可以留低一啲腳毛喇!XD 呢度係(5)香港基督教女青年會大澳文化生態綜合資源中心


先嚟認識一下大澳文化啦!晴晴都係第一次接觸水上棚屋,睇模型已經覺得好有趣喇!


(6) 好物雜貨舖
好鍾意行下呢啲雜貨小店,每一件貨物都好得意,有啲仲好有創意呢~


主菜嚟喇!帶著晴晴看棚屋~ 「原來棚屋建在水上?我都想住呢啲屋呀!」...小朋友總會對新鮮事物感到很好奇~


手工藝品在街頭成行成市,其中以雞泡魚掛飾最可愛呀!


有幾個角度望大澳都好靚㗎!呢個就係其中一個喇!


得閒就曬下咸蛋~


或者整下茶粿、糯米滋,大澳人真悠閒,第時嘅退休生活可以咁安排嗎?^o^


聽家人講過白色三層高果座樓其實係傾斜㗎!傾斜咗咁多年,打風落雨都依然屹立不倒。犀利呀!


自從大澳有酒店落成後,附近環境都美化咗,沿住海邊一路行好舒服~


坐低嘆下大澳出品嘅花生糯米糍先~


食飽又繼續行,向(7)大澳文物酒店進發~


來到一定要搭下呢部lift,感覺就有啲似搭梗山頂纜車咁呀!


仲有海景睇添!不過只得短短10秒,好珍貴~


酒店開業後都未嚟過參觀,今次大開眼界呀!


環境優美,響呢度休息下都唔錯喎!


望住個海,所有煩惱一掃而空,好舒服~


晴晴仲問今晚係咪響呢度住添!哈哈!我都想....XD


酒店嘅前身係大澳警署,拘留室仍然保留給遊客參觀


仲有一啲昔日照片介紹以前大澳警署嘅工作


原來拘留室好細㗎咋!我唔係壞人唔入去喇!


大澳警署昔日風貌


購物時間嚟喇!每次嚟大澳都一定會到(8)勝利買幾樽蝦醬帶回家~


佢哋啲蝦膏都唔錯㗎!


晴晴發現好多喵喵呀!係喎!貓..全部都係貓...全部都係貓....在大澳橫街窄巷到處可見貓~ XD


呢個係第二個靚角度望大澳~


行到身水身汗,不如嘆番支冰凍飲品啦!紫貝天葵、洛神花茶等都係大澳特產嚟呀!


Cool~~ 消暑解渴!


繼續向大澳嘅另一邊進發,又經過一棟棟嘅棚屋喇!


第三個望大澳靚角度在此,正呀!


我哋後面就係(9)侯王廟喇!仲記得中學嘅時候嚟呢度求過簽問姻緣,細細個已經咁恨嫁~ XDD


舊地重遊,今次帶多咗個小朋友,唔再求神問卜囉!hehee


唔經唔覺已經差不多日落西下,要把握時間玩先得喇!


又係親親大自然嘅時間,晴晴見到咩嘢咁雀躍呢?


原來水邊有好多條跳跳下嘅「彈濤魚」,正睇得興奮中...


最後一站來到大澳嘅(10)新基橋,呢條橋係居民自資興建嘅,已經超過30年歷史。目的為方便漁民出入棚屋區域,橋嘅中間係可以打開畀啲大船駛過㗎!


由橋望出去嘅大澳景色都好靚~


又搵多個望大澳靚位喇!yeah!!!


臨走又發現多咗啲新店,好似呢間(11)大澳餅店咁,有售賣沙翁、蝴蝶酥、核桃酥、椰撻、蛋撻、芝蔴餅,睇相已經想試下味喇!


(12)大澳榕樹頭啲甜品都好似好吸引呀!


晴晴見到已經不停大叫"TWIN STAR"喇!


以貓為主題嘅餐廳(13)貓澳Meow啱晒一眾貓咪迷啦!下次嚟希望可以試晒佢呀!


離開大澳之前,再次踏上(14)大澳橋。仲記得未有橋之前,過河要付幾毫子搭橫水渡㗎!


夕陽無限好,只是近黃昏。在橋上仲可以欣賞得到日落美景添!


街燈已亮起,我哋都要趕緊時間離開喇!許可證有效時間至到晚上7點㗎咋!


回程路上,牛牛都特別出來送別啊!拜拜!


黃昏時候景色特別靚,仲多咗份詩情畫意添呀!~完~

有興趣申請許可證嘅朋友,不妨參考以下資料:


「大嶼山自駕遊」計劃網址:
http://www.gov.hk/tc/residents/transport/roadandtraffic/lantaupermit.htm
成功申請後將會收到以上資料,橙色許可證需要貼於車頭擋風玻璃上


大嶼山自駕遊駕駛者須知 (可按圖放大)


在大嶼山需要特別留意嘅道路標誌 (可按圖放大)


地圖有齊晒泊車位置資料 (可按圖放大)

今次大嶼山自駕遊圓滿結束喇!多得好天氣,全程都好舒服,感覺就好似去咗第二度旅行咁無拘無束、悠閒自在呀!不過聽晴朗爸爸講申請時要靠一點運氣,一早上運輸署網站快手click先得!因為每日有限名額20個,手快有手慢就冇喇!希望大家都可以成功申請得到,帶埋家人一齊入大嶼山玩番日啦!

以下係我哋到過或路過嘅地點(順序):
(1) 長沙泳灘:http://www.discoverhongkong.com/tc/see-do/great-outdoors/beaches/cheung-sha-beach-and-pui-o-beach.jsp
(2) 昂坪市集:http://www.np360.com.hk/tc/explore-np360/ngong-ping-village
(3) 天檀大佛:http://www.discoverhongkong.com/tc/see-do/culture-heritage/chinese-temples/big-buddha-and-po-lin-monastery.jsp
(4) 東方小祇園菜館:http://www.openrice.com/zh/hongkong/r-東方小祇園菜館-大澳-粵菜-廣東-素食-r13020
(5) 香港基督教女青年會大澳文化生態綜合資源中心:http://cerc.ywca.org.hk
(6) 好物雜貨舖:https://www.facebook.com/OHGOODS.store
(7) 大澳文物酒店:http://www.taioheritagehotel.com/tch/homepage/Homepage
(8) 勝利香蝦廠:https://www.facebook.com/勝利香蝦廠-193770363992467
(9) 楊侯古廟:http://www.somanhing.com/gotowalk/dist/outisland/lantau/taio/houwong.pdf
(10) 新基橋:http://www.taiosde.org/大澳歷史建築物
(11) 大澳餅店http://www.openrice.com/zh/hongkong/r-大澳餅店-大澳-港式-麵包-西餅-r51057
(12) 大澳榕樹頭:http://www.openrice.com/zh/hongkong/r-大澳榕樹頭-大澳-西式-甜品-糖水-r174926
(13) 貓澳Meow:http://www.openrice.com/zh/hongkong/r-貓澳-大澳-西式-r475264
(14) 大澳涌行人橋:http://www2.hkedcity.net/citizen_files/aa/ce/my400897/public_html/scenery/bridge.htm

順帶一提!曾經有報導指發現大澳水域一帶的海豚懷疑被船隻的船葉割傷導致周身傷痕纍纍。為保護海豚及其他海洋生物,我哋都唔建議大家出海睇海豚喇!將保護海豚嘅訊息傳遞給小朋友,一齊做好保護海洋啦!


晴朗 - 食·玩·育·美·愛の親子平台
facebook專頁:https://www.facebook.com/happytrain123
blog:http://blog.xuite.net/chinglongtin/blog