2018年1月2日 星期二

【兒童主題影院】CANDY PARK by Cinema City

早在十一月到荃灣D.Park愉景新城,驚見有個位置裝修梗,將會變身成為兒童影院!聖誕假期再去嘅時候,見到佢哋已經做梗試業喇!我哋一向都鍾意去戲院睇戲,而家有兒童專屬嘅影院,梗係要去感受下啦!

晴晴啱啱表演完,戲服都未換就話要去睇番場戲當係慶功喎!售票處設於戲院門外,地方都幾大喎!

想知道小朋友駛唔駛買飛?過去度一度就知。身高滿100cm嘅小朋友就要買飛喇!買完飛之後,入去戲院循一循囉!

見到「CANDY PARK」唔好以為係糖果店,其實係特別為兒童主題影院所改嘅名字嚟呀!

戲院裝修設計童趣萬分,入內當然唔少得有售賣爆谷、汽水嘅小食部啦!

除咗爆谷、汽水單叫之外,仲有兒童套餐、薯片套餐、雙人爆谷餐、糖果、朱古力、雪糕....等等,與一般戲院所售賣嘅食物大同小異~

嘩!爆谷香味陣陣撲鼻,淨係睇見都流晒口水喇! *o*

如果睇3D戲可以即場買3D眼鏡,有小童款亦有成人款,仲有專為戴眼鏡人仕而設嘅款式添!

近門口位置有幾部夾公仔機,去碰碰運氣囉!

失敗咗幾次攞咗啲經驗後,終於成功夾到一隻喇!超滿足!所以好多時啲經驗都係用錢買番嚟㗎!^^'''
距離開場仲有少少時間,我哋出去D.Park四圍行下先~

經過一間餐廳門外,發現有售晴朗至愛嘅雞蛋仔,吸引咗我哋埋去睇睇~

即叫即做!而且每粒雞蛋仔都有特別公仔樣,同一般雞蛋仔好唔同~

口味方面有原味、綠茶、軟心朱古力、士多啤梨、肉骨茶等五個味道,我哋揀咗綠茶味呀!

新鮮熱辣香噴噴嘅雞蛋仔出爐喇!Wow~ hoo~~

每粒雞蛋仔都有餐廳主題嘅公仔樣,好得意!同display果塊一模一樣,冇貨不對版喎!XD

食飽雞蛋仔,個肚已經容不下爆谷,直接入戲院睇戲囉!

我哋套戲響1號院放映,一入到去就見到唔同顏色嘅座位,有別於一般戲院。樓梯梯級又大又闊,感覺冇咁易絆倒,安全感大啲,加分!

與前排座位相隔有一段距離,闊落舒適,坐得好舒服呀!不過由於每排座位嘅傾斜度相差唔係好大,小朋友可能需要加座墊先睇得清楚喇!

就快開場,我哋熱切期待《小馬寶莉大電影》緊張刺激嘅冒險旅程!

啱小朋友睇嘅戲,當然多搞笑抵死情節啦!晴朗都睇得好開心呀!

登入Cinema City網上購票都好方便!預先買定就唔怕去到full house冇得睇啦!^^

登記成為Cinema City VIP會員,即送1500積分+單人爆谷套餐券,如果攞啲分去CANDY PARK小食部已經可以當$75使用。戲票/小食消費滿$1=1分,儲滿指定積分可以換領戲票,而且生日月份又會送多1000分,憑VIP咭購票或買小食都有折添!還掂都會長期光顧,我哋都成為咗VIP喇!
CANDY PARK係Cinema City首間設於新界嘅戲院,亦係全港首間兒童主題影院。戲院設有5個影廳,全部都係杜比7.1同適合睇2D/3D嘅電影。5號院係兒童影院,特別設有二人情侶座位。其中一個影院仲有個小舞台,如果搞生日會或其他活動就啱晒啦!初時仲以為兒童影院只上映動畫或卡通片,但原來大部份上映梗嘅戲都有齊,咁就更加正喇!戲院都多座墊提供,大家見朗朗坐得特別高就應該估到佢唔只坐住一個墊啦!提提大家!入去睇戲係唔可以帶外來食物㗎!小童嘅定義係under 11歲,而且一個大人只能夠帶一個身高未滿100 cm嘅小童入去影院。佢哋亦設有團體購票及包場服務,想搞生日會或電影欣賞會,呢度係一個唔錯嘅選擇呀!D.Park一向致力推動親子活動及設施,而家有埋戲院,親子商場嚟講真係做得好成功!簡直係family day嘅首選好地方呀!

CANDY 
PARK by Cinema City

地址:荃灣愉景新城第一層1036號舖
電話:2360 0910
網址:http://www.cinemacity.com.hk/tc/site/cinemainfo/5


FIND US on:
  "  "   
BLOGs:

 
CONTACT US:

1 則留言:

  1. Situs Judi Slot Online Gacor Deposit Pulsa dan Judi Online
    JT88 situs judi online terpercaya no 경산 출장샵 1 Indonesia 2021 terlengkap MENANGJUDI88 online 나주 출장안마 24 jam 광양 출장안마 yang menghadirkan berbagai macam permainan judi slot online, judi bola  Rating: 95% · 영천 출장안마 ‎666,666 votes 대전광역 출장마사지

    回覆刪除