2016年6月28日 星期二

蝙蝠俠夜神飛馳@澳門新濠影滙

「蝙蝠俠夜神飛馳」係新濠影滙其中一項主打嘅娛樂節目,食飽飯去睇番場簡直係不二之選~
嘩!蝙蝠俠呀!


在門外拍照~ yeah!!!


其實嚟之前已經知道小朋友身高需要達120cm先可以進場,不過既然去到門口就即管試下過唔過到關啦!Oh...fail~ 唔駛唔開心,等大啲再嚟體驗啦!XD


小朋友唔入得,就改行plan B,我同晴朗爸爸輪流入去睇,15分鐘一場,好快到我喇!

「蝙蝠俠夜神飛馳」係全球第一個以蝙蝠俠為主題嘅4D多媒體影院,體驗分咗三個部份。首先入到去會播放立體影片,介紹番今次旅程嘅起因。然後會進入第二個區域,好似置身響一部大型升降機之內,實景感受被破壞王小丑、雙面人同埋班恩嘅奸險衝擊。第三區係我哋最期待嘅4D動感影院,一齊跟住蝙蝠俠穿梭葛咸城,將城中頭號罪犯一一繩之於法,最後將我哋帶到去安全嘅地方。動感影院好真實,我哋就好似坐響蝙蝠戰機在大廈間左右穿插,跟住蝙蝠車展開一連串驚險嘅追逐旅程。期間會見到一幕接一幕嘅經典場面,尤如走進栩栩如生嘅電影世界。動感影院內有3排座位,好多人唔知以為坐第一排最正,但其實坐最後一排會係升得最高,視聽感官最逼真。好好睇!好震撼!簡直係一次超現實嘅冒險飛馳之旅!響香港暫時未有一間動感影院做到呢個效果,大家有機會都要親身去感受下,睇完一定會話我冇介紹錯!

淘寶買蝙蝠俠飛抵好多呀!各位精明眼可參考以下資料:
悠遊假期https://travelitem.taobao.com/item.htm?id=526543429881

 

 蝙 蝠 俠 夜 神 飛 馳 
位置:澳門路氹連貫公路新濠影匯2樓
網址:http://www.studiocity-macau.com/tc/entertainment/detail/batman-dark-flight/蝙蝠俠夜神飛馳
開放時間:星期一至五 12:00-20:00;星期六、日及公眾假期 11:00-21:00
場次:每小時3場,每場15分鐘
票價:成人$150 / 小童$120 / 澳門居民、長者$125

返回澳門新濠影滙之旅http://blog.xuite.net/chinglongtin/blog/426733195