東海堂 Arome Café

鍾意咗東海堂啲凍餅好耐喇！幾間大型連鎖店嘅蛋糕相比，始終最愛東海堂。而佢哋位於葵芳新都會廣場嘅cafe成日都常滿，想搵個位都難。今次同晴朗攝到位，終於可以一試喇！
Cafe位於商場2樓一個角落，好旺場，未見過係唔駛等位㗎！

等位期間，揀下食咩嘢款式先啦！

有人走喇！我哋有位坐lu~ hohoo~

落咗order，好快就有得食，勁開心！

真夏の夢 - 芒果熱情果脆脆蛋糕

係晴晴自己揀㗎！見到佢嘅表情就知道味美啦！

饀料仲有鮮芒果肉添！餅底都整得好脆呀！正！

而朗朗就揀咗呢款朱古力焦糖慕絲脆脆甜品

外層係朱古力脆皮，包住朱古力mousse，再夾住朱古力蛋糕~ *o*

啱晒呢個朱古力怪啦！

我嘅法式拿破崙都整好喇！賣相好吸引！

不過等咗10分鐘，等到我勁都長喇！

即叫即製確係好好味喎！酥皮夠脆，夾住新鮮打嘅cream同埋鮮芒果肉。堅正！從未食過咁新鮮嘅拿破崙~

咦！點解仲有甜品嘅？咪就係因為有人話想食雪糕囉！見仲有肚，好啦好啦！就叫埋呢款香蕉朱古力雪糕waffle啦！

朱古力同香蕉一向都係絕配嚟！冇得輸！不過waffle係即整嘅，梗係特別好味啦！

另外，waffle仲有士多啤梨同埋紅豆綠茶選擇，下次一定要試埋先得呀！

本來行到攰攰哋，打算坐低食件cake㗎咋！好surprise佢哋原來有啲款式係即叫即製嘅，好新鮮！真係大滿足呀！下次行過一定會再入去坐下，嘆過第二款甜品，不過希望好似今次咁好彩唔駛等好耐就有位啦！值得推介！

 東海堂 Arome Café 
地址：葵芳興芳路223號新都會廣場2樓297-298號舖
電話：3460 4742