我們的秘密花園：中葵涌公園

葵涌有一隱世公園依山而建，環境十分之優美。一齊嚟揭開佢神秘嘅一面囉！
公園位於青山公路之下，大連排工廠區後方。我哋就從青山公路開始，由上而下咁樣行落去啦！(冇咁辛苦嘛！XD)

入口就響前面，行快步啦！

中葵涌公園入口在此，到喇！到喇！

紅色圈圈就係我哋身處嘅位置

沿住自然散步徑漫步囉！~

一路向下行，回頭一望，原來我哋已經行咗好多路喇！

公園樹木長得十分之茂密，只能夠從樹木嘅空隙望到少許風景~

跑呀！點解要跑？因為晴朗清楚知道好快就到達佢哋最開心嘅地方囉！

報告！目標出現咗喇！over~

紅色圈圈就係我哋身處嘅位置

長者健身園地你哋都啱玩？XD

重頭戲到喇！兒童遊樂場就係晴朗行咗咁耐嘅推動力~

公園人流稀少，晴朗可以獨霸整個遊樂場玩。去囉！去囉！gogogo~

過河要小心！唔好叉錯腳呀！

想打韆鞦但又唔想排隊，我諗係呢度先得喇！爽呀！XD

晴晴比較鍾意逐樣遊戲玩下，考考智力先~

鋼琴嘅英文係點串㗎？

轉番個大運啦！

朗朗依然打韆鞦打得好忘我...

玩完遊樂場，又要玩埋其他健身設施，但你哋好似唔夠腳長喎！XD

都係玩番搖搖馬算啦！

經過小橋流水，望下有咩嘢睇先~

山水一直往下流，可以考慮響呢度整番檔山水豆腐花喎！XDD

玩完一大輪，預備離開公園喇！

唔經唔覺，就已經行到落大連排工廠區lu~

睇睇指示牌，原來仲有滾軸溜冰場，下次可以帶埋鞋嚟呢度玩喎！

紅線為我哋所行嘅路線，原來行咗一小部分咋！下次嚟要行埋另一邊先得！(可按圖放大)

中葵涌公園面積大、環境自然優美，所以我哋都好鍾意去呢度玩。由青山公路入口開始，行一段約10-15分鐘嘅山路就到達兒童遊樂場。大人可以過下行山癮，小朋友又可以在公園放電，簡直係一舉兩得呀！不過夏天嚟就要做好防蚊措施喇！始終公園靠住山而起，樹木又多，自然多昆蟲㗎啦！如果唔嫌棄佢哋啲設施較舊的話，呢度都不失為一個小朋友放電嘅好地方㗎！

唔記得介紹一下公園嘅前身添！其實以前係牧牛場嚟！估計七十年代初結業後，就賣咗畀政府用嚟起公園喇！公園內放置咗一尊栩栩如生嘅牛雕塑做裝飾。今次冇影到添！攞番兩年前嘅相同大家分享下先~

伏在地上的牛雕塑，就好似真嘅一樣呀！

大家有時間都帶小朋友嚟玩下啦！玩完仲可以步行至附近嘅葵涌廣場或新都會廣場嘆番個tea添呀！

 中 葵 涌 公 園 
公園開放時間：全日24小時
查詢電話：2424 7201
交通：可乘搭巴士31B, 32, 36B, 38, 42C在「葵涌業成街」站下車，然後向山上步行約兩分鐘便到達公園位於青山公路之入口
網址：http://www.lcsd.gov.hk/tc/parks/ckcp/index.html