皇牌古法紮肚@Newborn Mama

產後身體上嘅變化有冇為你帶來煩惱呢？水腫、多肚風、毒素積聚、荷爾蒙色素等，都係產後媽媽常見嘅問題。感謝Newborn Mama嘅邀請！可以有機會親身體驗一下皇牌古法紮肚療程。正在待產或產後不久嘅媽媽要好好把握產後半年呢個黃金期呀！
上到去NewBorn Mama感覺幾乾淨企理，裝修設計亦都時尚新穎，尤其係果度自動玻璃門。第一印象唔錯！呢一邊主要係為產後媽媽而設嘅~

而另一邊就為一般女士提供療程時使用~

填好個人資料之後，交番畀reception，就靜待職員過嚟follow喇！

好快職員就帶咗我到進行療程嘅房間，房間細細，但五臟俱全~

除咗衣櫃之外，仲有埋洗手盤，好方便喎！

揭開小盒子，仲有紥頭髮嘅橡筋添！真體貼~

床上擺放咗毛巾同埋用完即棄嘅紙帽、紙胸圍和紙內褲

攤開係咁樣㗎！紙胸圍我都係第一次戴咋！XD

生完bb嘅媽媽一般都會容易有風同水腫嘅問題，而且體內多少會積聚咗一啲毒素。古法紥肚其實係一個古代天然嘅紥帶方法，目的係將五臟六府歸位和定形。步驟首先會嚟一個全身按摩，主要係幫助去水同排毒。

幫我按摩嘅按摩師係泰國人，令我聯想到泰式按摩。但原來唔係，療程使用嘅係獨特嘅手勢全身驅風按摩。按摩期間，按摩師話我啲肌肉好緊，所以按到某啲位置會有少少痛。但按咗一陣，就感覺鬆咗喇！在柔和嘅音樂之下，全個按摩過程都好放鬆，好舒服呀！

按完背面，就反身按個肚喇！按肚嘅時候，佢哋採用來自美國嘅Pevonia Oil。世界五星級酒店都會用到呢個品牌嘅油，比較天然、純正。由於係100% Organic嘅油，所有懷孕中或者餵哺母乳嘅媽媽都可以使用。按完一陣，按摩師仲幫我用薑油推咗一陣肚添！但孕婦或哺乳中媽媽就唔用得喇！

用油推完肚之後，按摩師用磁叉幫我按摩肚部。磁力可以帶動鐵質運行，令血液循環更加好

一般嘅磁叉只係叉頭有磁力

而呢度所使用嘅連叉柄都有磁力，功效會更好㗎！

按摩師將紥帶放好位置，預備幫我紥肚喇！

紥之前仲有一樣好緊要嘅嘢要做，就係在肚上搽上草藥，草藥成份包括大青葉、小茴、乾薑、玉蘭同澱粉

草藥成份當中有薑，主要功效係驅風、驅寒。敷上肚之後，會覺得有少少熱嘅感覺

敷完後，先在草藥上蓋上一塊布，然後就開始紥肚，會紥埋個盤骨㗎！

按摩師手勢好純熟，啲繩結紥得好靚，果然係專業！

好快我就變咗一隻稯喇！XD

跟住就需要落地，企埋牆邊扶穩，按摩師會再用一大卷白色紥帶將條腰紥得更加緊。見佢圍住我氹氹轉咁用力紥，都數唔到氹咗幾多個圈喇！XD

用咗大約10分鐘嘅時間，終於完成！yeah!!! 辛苦晒！

其實紥完係會覺得唔舒服，因為紥得好緊。就等於著咗一件好緊嘅束衣咁，要紥住4-6個鐘。番到屋企等待時間到，馬上企入浴缸拆紥帶。解開紥帶，真係有種如釋重負嘅感覺呀！見到啲草藥已經變成乾粉，用花灑沖走都好方便。啲紥帶唔需要洗，下次番去拎番畀佢哋就ok喇！

紥之前同之後的確係有啲分別喎！*o* (腰咁粗都放出嚟！真係失禮死人。仲要啱啱除下紥帶，連個肚臍都紥到皺埋添！XD)

皇牌古法紮肚全個過程約1個鐘，其實真係好唔舒服㗎！好似結婚時著住girdle嘅感覺，個肚好硬好實咁，唔係點食到嘢。不過我接受到，唔係話太辛苦嘅！但就唔會係一個舒服嘅療程囉！

做完一次已經見有啲效，感覺個肚冇咁脹。據中心職員介紹，產後嘅媽媽荷爾蒙色素都會比較深，好多客人做完頭一兩次色素都減退咗好多。大約三四次左右，啲腰位已經可以修得比較明顯，修線條之餘仲可以修埋盤骨位個形，建議10-20次為一個療程。產後媽媽如果順產嘅話，最快生完兩星期後就可以做喇！開刀嘅就要一個月。每日做，連續做係最好嘅！如果唔得閒，都最少1星期做3次。盡量把握產後半年呢個黃金期內做就最好喇！佢哋仲有提供上門服務，有啲媽媽坐完月就安排上門紮肚。最尾果一兩次，職員仲會同客人量度番身體吋數，同埋影相記錄，等客人可以同之前作比較添！有啲客人生完好耐先嚟做，都會有天然修形效果，但可能會慢啲。如果生完都一段日子又想做一啲收緊，建議做Legacy：