2016年10月20日 星期四

BIG BITE@葵涌廣場

講到食,就無論大人定小朋友都會咀lam lam㗎啦!最近發現葵涌廣場呢個購物天堂開咗間新食店,有美式食物亦有甜品。雙眼發光ing,去試下囉!
「BIG BITE」,就係佢喇!


晴晴二話不說已經為自己挑選梗心儀嘅奶昔喇!


而我都整番隻熱狗嘆下先~ 老闆娘預咗我會同小朋友share,細心地將熱狗切開一半,好貼心呀!


熱狗有多種配搭,我揀咗蕃茄牛肉醬+車打芝士醬+7"蜜糖腸。好足料!


事不延遲,一人一份啟動囉!~ 大啖咬落去,濃郁嘅車打芝士配以酸酸甜甜嘅蕃茄牛肉醬,味道好夾,冇得輸!加上長長嘅蜜糖腸外脆內軟,好好味呀!


貼在牆上嘅都係店主推介食物,睇到我流晒口水...


話咁快,奶昔都整好喇!好靚呀!晴晴所揀嘅係朱古力奶昔,仲等咩呀?Good good good囉喂!~


我唔客氣喇!(≧∇≦)


奶昔面頭啲裝飾包括咗聰明豆、orea餅乾、朱古力磚、棉花糖同埋花花脆餅


晴晴問我呢朵花花頭飾靚唔靚喎!kawaii呢~~


大戰完一輪面頭啲裝飾,就品嚐下奶昔喇!umm...朱古力味好重,仲好香奶味,果然正呀!連一向唔飲奶昔嘅我都讚好!


邊嘆邊欣賞一下店主推介嘅食物,款款都好吸引,而且價錢都幾大眾化,可以試晒佢嗎?XD


店舖仲提供「學生餐優惠」,咁下次晴朗要著番套校服先好嚟喎!XD


啱啱先飲完一杯,晴晴已經講定下次想試粉紅色嘅士多啤梨奶昔喇!wow~ 真識食!但我想試香芋味多啲喎!^o^


奶昔系列 (可按圖放大)


畀個餐牌大家睇下啦!熱狗同意粉類...不過重點係右上角果張$2現金券。XD 只要出示圖片及facebook分享訊息就可以使用㗎喇!(可按圖放大)


仲有小食、沙律類呀!(可按圖放大)

葵涌廣場係女仕們嘅購物天堂,不但買到好多平靚正嘅嘢,食店仲越開越多。有部份位置本來係女裝店都改晒小食店,變咗一條食街咁。好有「食」嘅氣氛,十分熱鬧。店名「BIG BITE」顧名思義就係大大啖咬落去嘅意思啦!食熱狗真係要咁食先好味㗎喎!至於儀態、形象都唔好理住喇!響呢個moment但求可以盡情地嘆番餐。可惜我哋今次只係嚟食tea,如果下次去一定要留定肚,拆餐勁嘅至得呀!


 BIG BITE 
地址:葵芳葵富路7號葵涌廣場2樓C87A號舖 (海天堂對面)
電話:3705 1448
facebook:https://www.facebook.com/bigbite.kwaichungplaza

沒有留言:

張貼留言