2016年12月22日 星期四

聖誕聯歡會@Bliss Power

聖誕節又點可以冇聖誕Party呀?今次搵咗Bliss Power呢個場地畀朗朗同啲幼稚園同學聚舊之餘,順便開埋聖誕P。升上小一之後各有各忙,同啲同學冇見幾個月,一見番面又玩到癲咗!好surprise有爸爸扮聖誕老人,仲大派聖誕禮物,成班小朋友都玩到勁high呀!一齊嚟睇下有幾好玩啦! 
未到達先聽到熱鬧笑聲,一去到就已經畀好朋友抆住去玩喇!XD


經過大門口嘅聖誕樹之後,見到場內吧枱,又裝修得幾骨子喎!


再行入啲,不得了喇!充氣大彈床係呢度嘅主打設施,班小朋友肯定響裡面喪玩啦!


圍著火箭團團轉,你追我逐,有冷氣都玩到出晒汗~


喱埋響屋仔入面,又出又入。專為小朋友而設,大人係無法入去㗎!


突然申個頭出來,想嚇死人咩?XD


瀡滑梯就至受小朋友歡迎喇!We~~~


響裡面點撞點跌都唔怕整親,成班都玩到high晒呀!


除咗彈床,當然仲有其他嘢玩啦!車仔、馬仔任君選擇~


搖搖馬都好好玩!不過要搵番差唔多年紀先好一齊玩喎!如果一大一細玩,個細嘅會唔知彈咗去邊㗎!XD


玩到咁上下,係時候要過去枱度開餐喇!


嘩!我哋嘅食物好豐富呀!


煙火腿蟹籽沙律


蒜蓉牛油西多法包


意式鮮茄肉丸


香蒜焗一口牛柳


蒜香雞翼


脆炸薯條


芝士焗肉醬意粉


忌廉蘑菇煙鴨燴寬條麵


芝士焗鮮茄豬扒飯


芝士煙肉焗西蘭花


我哋唔客氣喇!yeah!!!


同朋友仔有傾有講,食得特別開心!


牆上原來設計得咁靚,如果嚟開生日會肯定一流啦!


小朋友開餐嘅同時,大朋友都可以坐低抖抖喇!


場地咁多嘢玩,媽媽們都可以安座吹水啦!


食飽就梗係再玩過啦!不過食飽唔好跳得咁勁喎!(我都知好難控制^^''')


說話都未講完,班小朋友已經又貢晒入去喪跳喇!@@'''


鍾意打機嘅可以捕住呢個位置,排住隊一人一舖唔駛爭~


如果鍾意玩board game嘅,可以到吧枱借,咁多款有排玩呀!


我哋就鍾意玩足球機喇!


仲有啲車車啱細個啲嘅小朋友玩添!


攬住架車車幾開心?^o^


Hohohooooo~ Merry Christmas! 聖誕老人出場嘅時候,本來喪玩中嘅小朋友都立即來到聖誕老人面前。真係叫都冇咁快呀!XD


排隊攞聖誕禮物囉!Hohohoooo~


同聖誕老人合照好開心呀!hehee~


特別要感謝呢位爸爸為氹小朋友開心,扮演聖誕老人一職~


場地設有餵奶房,方便媽媽們餵人奶畀bb,好貼心!


時間唔早喇!又係時候講拜拜。但晴朗似乎仲未捨得走喎!


MERRY CHRISTMAS! 我哋都玩得好開心呀!YEAH!!!

小朋友就好似馬騮仔咁,精力無限,媽媽要睇住佢哋真係少啲精神都唔得。想搵一個地方可以畀佢哋放電之餘,媽媽們又可以坐低吹下水?Bliss Power就啱晒我哋要求喇!場地唔算好大,但靜係彈床同其他遊戲都已經夠晒玩。最估唔到嘅係套餐包埋嘅食物都整得幾好味,唔駛一陣就已經搶食一空,真係未試過開party啲嘢食可以清晒㗎!揀夜晚時段仲可享8折優惠添!小朋友可以盡情放電,媽媽們可以盡情吹水。呢度真係一個開party嘅好地方,值得推介呀!


 Bliss Power 
地址:葵興工業街 2-8號力豐工業中心11樓D室
電話:60174198
facebook:https://www.facebook.com/blissparty