2016年12月12日 星期一

the SAEM Christmas Box Set・蝸牛精華保濕潔面泡沫+黃金蝸牛抗皺精華

咁多個節日裡面,我至鍾意就係聖誕節喇!除咗有不同嘅慶祝活動之外,仲會收到好多聖誕禮物。近幾年韓風襲港,韓國食品、韓劇甚至乎化妝護膚品都特別盛行。好開心收到朋友送贈嘅一盒聖誕box set,係來自韓國品牌the SAEM嘅護膚品嚟呀!用過覺得好梗係要介紹一下啦!女人唔補好易老㗎!
包裝好精緻!雖然唔識睇韓文,但已經感受到韓國人對包裝果份執著同細心喇!


打開禮盒,原來有兩款護膚品。金色包裝特別顯得高貴、典雅,啱晒一眾大方得體嘅女仕們啦!(係咪講梗我呀?XD)

SNAIL ESSENTIAL EX Deep Cleansing Foam

蝸牛精華保濕潔面泡沫 150ml - 含有高濃度蝸牛黏液、神經醯胺及透明質酸。緊密、有彈性的泡沫能夠帶來高保濕深層潔淨,有效促進肌膚細胞再生,幫助皮膚製造骨膠原及改善皺紋素


韓國好興用蝸牛黏液來製護膚品,因為蝸牛黏液可以為皮膚補充水分。有次朋友從韓國帶咗啲蝸牛面膜手信畀我之後,一試難忘!自此蝸牛護膚產品就成為咗我嘅大愛喇!*o*


開蓋後,發現有錫紙密封包裝,更覺產品嘅質量保證~


摵開錫紙,散發出淡淡清香,好想即刻試下呀!


用法好簡單!首先擠出適量潔面泡沫於掌心


加少少水,濕濕哋可以帶出更多泡沫


輕輕在手心打圈,揉搓至泡沫狀


唔駛一陣,兩隻手都係泡沫喇!


將泡沫均勻塗在面上,然後打圈按摩


最後用溫水清潔乾淨就搞掂!


等我都試下先!洗濕塊面之後,點幾點潔面泡沫在面上,然後將佢推開,打圈按摩至面部每一角落


用溫水沖洗面部後,感覺皮膚好有彈性。溫和得嚟潔面效果又強,就連我本身嘅底妝都可以卸除。洗完面隔咗一陣都唔覺皮膚乾,似乎真係有高保濕功效喎!150ml咁大支,抵用!值得推介!

Gold Snail Wrinkle Plumper

黃金蝸牛抗皺精華 10ml - 純金 + EGF + 蝸牛精華分子透明質酸,是同時修護細微皺紋和較深肌膚凹陷局部除皺精華。特別可用於眼部,針對淡化眼紋、魚尾紋、虎紋、額頭缺水紋、法令紋等細紋,亦有著減淡黑眼圈和色斑等功效


修長幼身嘅精華筆,設計就好似一支針筒咁呀!


揭開筆蓋,會見到矽膠筆頭


預設為鎖定狀態,使用時只需將筆尾扭過一格,就可以按壓~


按壓精華筆,精華素便會擠出


輕輕將精華素推開,滋潤得嚟又唔覺笠~


仲有淡淡香味添!


好心急!到我試喇!按壓筆尾,精華素輕易擠出~


用矽膠筆頭輕輕按摩需要修護皺紋嘅部位(我嘅眼部係重災區呀!)。在眼部打圈按摩完後,感覺精華素經已均勻滲透,好舒服!最鍾意佢滋潤得嚟又唔笠,肌膚仲可以全日都keep住飽滿彈性,效果唔錯喎!好鍾意呢兩份禮物呀!^o^

the SAEM響韓國有280間分店,韓國知名組合SHINee係佢哋嘅星級代言人。產品質素好,有信心嘅保證,盤生意先會越做越大。蝸牛萃取液其實係一種天然嘅皮膚再生產品,而家好多地方都會用呢種自然療法嚟解決好多皮膚上嘅問題。蝸牛黏液含天然膠原彈力蛋白素、蛋白質、多種維生素、甘醇酸、天然抗菌劑等等。有效促進肌膚新陳代謝,滋養成分仲可以帶入肌膚,修復肌膚,將肌膚恢復柔軟、光滑同細緻添!產品當中嘅神經醯胺可幫助修復皮層,配合透明質酸仲可以大大提高補濕功效,特別適合面部有皺紋嘅朋友使用。

皺紋,係女人都有㗎啦!爭在多定少㗎啫!妳唔好話畀我知妳冇呀!聽朋友話3-7天已經可以見效,我用咗幾日覺得細紋的確係少咗,但較深嘅紋同色斑就有待改善喇!期待!既然兩款產品都咁好,一於鎖定呢款聖誕限定禮盒用來送贈親友啦!


the SAEM
旺角店:彌敦道610號荷李活商業中心地下G26B
銅鑼灣店:世貿中心P1樓層C5舖 電話:3487 3768
屯門店:V-City M95A舖 電話:3487 2393
網頁:http://www.thesaem.hk
facebook:https://www.facebook.com/thesaemhk

沒有留言:

張貼留言