2016年12月7日 星期三

Donut & Kids 愛心大行動@D・PARK愉景新城

今個聖誕節,除咗同家人朋友慶祝之外,點樣可以令聖誕過得更有意義?我哋就去咗D.PARK愉景新城參加「小小愛心大使」計劃,希望為有需要嘅人帶來溫飽。活動由12月3號開始至27號,好玩又做到善事,一齊回味一下當日盛況啦!
Donut & Gemma~ Hello!我哋又見面喇!每次去到D・PARK一定要集郵~ XD

來到愛心行動計劃個counter已經見到人龍,似乎好多小朋友都想成為小小愛心大使喎!

不過成為大使之前,需要先著上特別服飾㗎!

好多選擇,究竟揀邊款好呢?

登...登....變身!小小愛心大使出場喇!yeah!!! 突然醒目咗咁多嘅?!XD

我哋即將登上聖誕小火車,佈置得好靚、好有聖誕氣氛呀!

Hello! Hello! 聖誕小火車即將開出,咁多位小小愛心大使要扣好安全帶,準備出發喇!

掌聲鼓勵!熱烈歡迎一班熱心助人嘅D.PARK卡通人物!仲有高腳小丑添喎!

有斑馬Coda、貓頭鷹Louisa...

花豹Max...

同埋晴晴至愛嘅河馬Kala呀!

聖誕小火車在歡欣喜悅嘅音樂之下緩緩前進,正向下一站進發~

後面跟隨嘅有D.PARK卡通人物同埋一大班大朋友小朋友。場面好熱鬧,就好似聖誕巡遊咁呀!

小小愛心大使在享受車程嘅同時,唔好忘記咗你哋有任務在身喎!

到達下一站,小小愛心大使馬上展開任務,向在場小朋友派發單張和貼紙~

D.PARK卡通人物隨即舞動全身,仲邀請所有人一齊跟住佢哋跳舞添!

小小愛心大使同在場嘅小朋友都跟貼動作,跳得興起~

跳完幾part舞,再次登上聖誕小火車,繼續將珍惜食物嘅訊息傳揚開去喇!

重整隊伍,向下一站進發!gogogo~

D.PARK卡通人物跳完舞都未見攰,仍然活力十足!

晴晴都話唔攰、好好玩!好享受今次嘅特別任務呀!

D.PARK卡通人物不停向在場人士揮手、郁動身體、古靈精怪,吸引咗好多朋友加入,條隊變得越來越長喇!

到達旅程嘅終點站,又可以落車同D.PARK卡通人物一齊玩,心情極度高漲!

小小愛心大使同在場嘅小朋友又再一次大展舞姿,好可愛呢~

全城熱舞過後,又係時候同D.PARK卡通人物講拜拜!一同歡送佢哋啦!

我哋完成任務喇!Yeah!!!

有得坐火車又可以同D.PARK卡通人物一齊跳舞,仲可以幫到人,心情特別興奮呀!

Mission Completed!!! 晴晴獲得由「惜食堂」頒發嘅參與活動証書,又儲多一張幫助別人嘅証書喇!呵呵~

換衫過後,保持住興奮愉快嘅心情準備參加聖誕Meet & Greet活動~

晴晴見到Coda勁興奮,合照都未影,衝埋去就攬到實一實喇!XD

嘩!Kala呀!晴晴問Kala點解個肚dum會有幾點顏色,原來Kala好鍾意畫畫,唔小心畀啲顏料整到變咗污糟豬囉!

親親完Coda, Kala後,再次幫忙派單張和貼紙,繼續將關懷社會嘅訊息宣揚開去~

活動完結後,仲會收到個人化聖誕卡添!有晴晴個樣同名字㗎!設計得咁精美可愛,keep起兩張做收藏,其餘嘅送晒畀老師、同學先得!
社會上其實有好多人難以得到溫飽,佢哋好需要食物援助。而聖誕期間,慶祝派對或聚餐亦都容易造成食物浪費。為咗宣揚珍惜食物、減少浪費嘅訊息,D·PARK推出「Donut & Kids 愛心大行動」。只要捐款指定金額到「惜食堂」,小朋友就可以成為小小愛心大使,同一眾Donut & Friends一齊開party,仲可以為「惜食堂」籌募營養熱飯餐予貧窮長者嘅經費添!
今次係一個好好嘅機會將以行動來關懷社會嘅訊息傳達給小朋友。你都想幫小朋友成為小小愛心大使,幫助更多有需要嘅人於聖誕佳節得到關懷和溫暖?咁就快啲報名喇!有得玩又可以幫助人,仲可以同小朋友一齊擁有難忘嘅節日回憶呀!
每次睇番活動影片,都好感受到當日嘅熱鬧氣氛。大家都一齊睇,一齊回味當中點滴啦!


Donut & Kids 愛心大行動
日期:2016年12月3日至27日 (逢星期六、日及公眾假期舉行)
Donut & Friends 聖誕小火車 $190 3:00pm / 4:45pm
Donut & Friends 聖誕Meet & Greet活動 $100 3:30pm / 4:20pm
地點:荃灣青山公路398號愉景新城L1
報名詳情: https://goo.gl/uM1xg8