2017年5月11日 星期四

愛相伴 母親節有禮 | FUN享您敢潮敢玩嘅MOMment@美贊臣A+

一年一度嘅母親節快到喇!有冇諗過點樣同媽媽慶祝呀?養兒方知父母恩,我都係做咗人媽媽之後先知道為人父母真係唔簡單,母愛真偉大!最近睇過一段短片,勾起咗我一啲回憶,想同大家分享一下~

仲記得懷胎十月嘅苦與樂,身體上嘅不適與期待bb嘅來臨,實在係百錦交集。

在十級痛楚後終於可以見到BB果一刻,既難忘又溫馨!攬住BB好溫暖,咩嘢痛楚都唔記得晒喇!

BB第一次學反身、學坐、學爬、學行路,就好似冇幾耐之前嘅事咁,歷歷在目。

湊BB有時係會覺得好疲累,尤其係佢不停咁喊又扭計果陣,真係好難搞!

但每次望住佢滿口BB話、腳仔踢踢咁,仲有瞓覺嘅甜睡樣子,又會感到好幸福。

到半歲嘅時候,開始餵佢哋食果蓉、食粥仔,放入BB口仔果一刻,佢皺皺眉果下,到而家都仲好記得!

有次仲食食下飯瞓著咗添!好搞笑!

陪住BB長大,真係可以帶畀我哋好多歡樂回憶呀!

人奶係BB最珍貴嘅禮物,我感到好幸運可以餵晴朗食人奶至到一歲。雖然人奶路唔易行,亦都有好多辛酸。好似唔夠人奶會擔心,番工泵多幾次奶又怕公司詐型。但見到佢哋食人奶果個滿足樣,幾辛苦都係值得嘅!

養兒一百歲,長憂九十九,呢句說話我終於深深體會到喇!BB打完針後發燒,或者係因病入院,真係會令人好擔心。

好記得晴晴挑眼瘡都挑過兩次,簡直係觸目驚心!

就算平時冇病冇痛,夜晚都會起幾次身睇下佢哋有冇踢被,怕佢哋會冷親。最可怕嘅一次經歷係晴朗同我都同時間患上手足口病,一同抗病過後,感覺健康真係好重要呀!

朗朗BB時期就連我去沖涼嘅短短十分鐘都會哭得死去活來,真係分離一刻都唔得。但小朋友大得好快,已經唔再要成日黐實媽咪喇!開始要戒片、要番學,學習上學嘅規律同群體生活。

晴朗都喊咗一段頗長嘅時間先能夠適應學校生活,我曾經有一刻懷疑過自己咁早送佢哋番學有冇做錯,自己都喊埋一份呀!但遇到一間好嘅學校,真係幫助好多。好記得學校同我哋講未戒片唔緊要,我哋會慢慢幫助佢戒。學校果份耐心同鼓勵,帶畀我哋好大支持!晴朗亦都慢慢變得開心上學去喇!

作為媽媽,為咗小朋友可以改變好多。好似每天送晴朗回校,雖然有時會感到幾頻撲同疲累,但都一直堅持下去。我覺得呢啲日子冇幾多年,小朋友大得快,好快就唔需要你再接送㗎喇!我好享受每一段回校嘅路程,可以同晴朗分享生活上嘅鎖碎事,好開心㗎!亦都好珍惜呢啲寶貴嘅親子時光!

每個小朋友都係獨特嘅!有長處亦有短處。晴朗兩個性格好唔同,但我唔會去作比較。多欣賞佢哋做得好嘅地方,在弱項亦都要多加引導。當佢哋發揮得好自己嘅強項時,弱項自然都會有進步。興趣班唔需要多,只要係佢哋有興趣而且享受嘅就OK喇!我反而著重有質素嘅親子時光,所以平日一有時間就會陪佢哋四圍去玩,就算唔外出,在家DIY食物或手工都一樣可以好開心!

有咗晴朗之後,我嘅人生改變咗好多。除咗學識咗照顧小朋友之外,亦都去多咗圖書館同親子玩樂嘅地方,就連一向唔會去嘅主題樂園都去埋,無非都係想帶畀佢哋多啲快樂嘅童年回憶!

不過晴朗亦帶畀我哋好多美好事物,因為佢哋,我認識咗好多志同道合嘅媽媽朋友,一齊互相支持同交流育兒心得。

呢啲事都係我冇預期會出現嘅!真係要感謝晴朗嘅來臨呀!

無論將來在生活上、學業上或工作上與到幾多困難都好,我哋都一定會係晴朗最大嘅後盾。對將來冇太大要求,只希望佢哋可以健康快樂成長,做個好品格、對任何事都樂觀面對嘅人就足夠喇!

回顧過去,晴朗嘅成長片段中,一點一滴,令我感到作為晴朗媽媽好自豪!可以培育小朋友健康快樂成長,係我最大嘅理想,亦都係覺得最驕傲嘅事呀!

作為媽媽嘅您,又有冇邊啲令您驕傲自豪嘅時刻呢?

趁住呢個母親節,去美贊臣A+嘅facebook留言分享您同小朋友敢潮敢玩嘅MOMment,首1000名分享就可以贏走$60 Paul Lafayet禮券喇!馬上行動啦!

【愛相伴 母親節有禮 | FUN享您敢潮敢玩嘅MOMment】:
https://www.facebook.com/meadjohnsonhk/videos/1738248276203210

#美贊臣 #愛相伴 #MOMment #母親節快樂 #ProudtobeMOM #ProudMOM #Fun享有禮