2017年5月19日 星期五

mifold兒童汽車安全椅 (旅遊篇)

早前我哋咪介紹過世界上最精巧又方便攜帶嘅carseat嘅!大家仲記得嘛?唔緊要!可以到「mifold兒童汽車安全椅」重溫。為咗證明佢真係又輕又方便,我哋就帶埋佢去旅行,測試一下係咪真係一張在手,世界通行先得!
向台灣.宜蘭出發喇!wow~ hoo~~


第一次搭飛機勁興奮!晴朗都各自搵到機上嘅娛樂呀!


旅程行裝大包小包咁,仲要拉三個喼。但似乎晴晴係最輕鬆嘅一個喎!XD


候車期間,朗朗已經急不及待要攞mifold出嚟!要為乘車做足準備呀!^^


攬到實一實,當咗佢係寶咁!XD 但係車都未到,不如放番落背囊仔先啦!^^'''


我哋嘅旅程包咗車,呢㗎黃色的士就係喇!嚟梗幾日都會帶住我哋到處去~

前面兩排可以坐乘客,最後一排就放行李,啱啱好!


一上到車第一件事梗係攞mifold出嚟啦!朗朗平時已經好鍾意坐呢張carseat,可能係貪佢輕便可以自己安裝,攞到啲滿足感啦!


又攬住佢四萬咁嘅口,好搞笑!快啲裝好佢,要開車喇!


話咁快就裝好啦!Yeah!!!


前往宜蘭嘅路程好漫長,但都無損晴朗興奮嘅心情呀!


不過半路中途就瞓到成隻豬咁,真係服咗佢哋~ 平時響香港坐的士,朗朗成日都畀條安全帶箍住條頸,搞到好唔舒服。mifold真係一項重大發明,幫助我哋唔少呀!最重要係輕便得嚟又安全丫嘛!


90分鐘嘅車程後,終於到達目的地。朗朗瞓醒「烏下烏下」咁,都仲可以自己除安全帶然後落車,果然係平時訓練得多,工多藝熟呀!^^


宜蘭有好多地方啱小朋友玩,好似去蜡藝彩繪館整蠟筆、菓風糖菓工房整棒棒糖、蔥仔寮整蔥油餅、宜蘭餅發明館整牛舌餅等等。入住親子民宿,無論房間同設施都悉心為小朋友而設,晴朗都玩得好開心呀!啱大人嘅都唔少,好似羅東觀光夜巿咁,每一檔啲嘢食都好好味!好有驚喜!在兔子迷宮睇晒成個蘭陽平原嘅夜景,好靚呀!紅樓嘅櫻桃鴨更加係一試難忘!仲有仲有,好鍾意壯圍穀倉果份濃厚嘅農村風味。想了解更多,可移玉步至我哋嘅「台灣.宜蘭親子遊」睇睇啦!

【精彩難忘】台灣.宜蘭親子遊:http://blog.xuite.net/chinglongtin/blog/506679802

我覺得mifold除咗帶畀我哋方便同安全之外,仲增強咗小朋友嘅自理同信心~


旅程完結嘅時候,朗朗好自覺會收番好mifold。自己的事自己做!^^


將mifold摺起,然後收埋兩邊紅色嘅闊度調較裝置~


再將安全帶捲起~


擺番落背囊仔度,掂晒!


袋住mifold,咁就四圍去都咁安全啦!^^

住響大城市嘅我哋,有機會可以回歸大自然,享受纯樸、恬靜嘅宜蘭,感覺真係好好呀!之前的確有啲低估咗呢張carseat,冇諗過原來帶埋佢去旅行係咁方便㗎!果然係去到邊用到邊,包車或自駕遊都一樣咁啱駛!下次都會再帶過mifold去旅行!到時晴晴大個啲,亦都可以擁有一張屬於自己嘅mifold喇!

相關文章:
mifold兒童汽車安全椅
http://blog.xuite.net/chinglongtin/blog/473598323


 mifold兒童汽車安全椅 
網站:http://www.blissandbless.com/mifold/151
facebook:https://www.facebook.com/mifold.HK


FIND US on:
     

BLOGs:

CONTACT US: