嗱喳麵邊間好味就唔知，不過論最具創意都可算係非佢莫屬喇！
村爺爺位於油麻地，交通方便~
門外貼滿大大塊餐牌，可以散叫，亦可叫套餐~
散叫嘅就有呢啲，配料有四十幾款選擇，7~8蚊價位嘅配料比較common啲，去到9~10蚊果啲就較為特別，唔係周圍可以食到。粉紅色highlight果啲就係村爺爺推介之選！而粉麵選擇都非常之多，有伊麵、油麵、河粉、米粉、銀針粉、烏冬等十多款~ (可按圖放大)
餐牌之中，以店鋪主打嘅龍蝦湯車仔麵最為觸目，幾十蚊就已經食到龍蝦伊麵，我冇睇錯丫嘛？*o* (可按圖放大)
唔食得海鮮嘅朋友，可以揀其他套餐，連湯底都有得揀！豬骨湯、龍蝦湯同響螺鮮雞猴頭菇圓肉湯任君選擇。好特別，未試過食車仔麵可以揀湯底㗎！ (可按圖放大)
原來仲有老友記套餐，老人家逢星期一可以$10價錢食一碗車仔麵，而且每個餐名都十分有意思。雖然每星期只得一日，但在利潤微薄嘅車仔麵生意上還會記掛著老人家，好欣賞老闆呢份敬老心意呀！ (可按圖放大)
啲餸唔會預先煮好放響爐頭，而係即叫即煮以保持食物質素。呢度規舉係先在店外落order，然後入店內坐低等食，等我哋都揀番幾款心儀配料先~
門外除咗有部大電視播放住店鋪宣傳影片外，仲張貼咗好多名人到訪嘅相片~
其實店鋪唔大，枱亦唔多，如果撞正食飯時間去都幾難行到入去㗎！但嚟得食嘅朋友都係慕名而來，唔會介意地方屈質嘅！
原來店內都貼滿好多老闆嘅相片，就好似去咗老闆屋企咁，好有家嘅感覺呀！
話咁快我碗龍蝦伊麵就上枱，龍蝦有一隻手掌咁長，好吸引！在相機食先嘅情況下，我哋啲口水係咁流喇！XD
轉一轉身影埋另一邊畀大家睇下先！嘩！半雙波士頓龍蝦放在面前，覺得有啲震撼！賣相好正！但好驚喎！龍蝦隻眼好似掘住我咁嘅？@.@
配料我哋就揀咗平時至愛嘅蘿蔔、豬皮~
仲有豬紅同豆卜，全部配料都用咗「和牛油」特製滷水汁熬製，未食已經聞到香味喇！
幾好喎！餸同麵分開上，咁啲餸食嘅時候就更加之原汁原味啦！
見到龍蝦鉗就知道我哋即將要大開殺戒喇！Wow~ ho~~
龍蝦仲有蝦膏㗎！正呀！
我哋要啟動，開始對呢隻龍蝦煎皮拆骨喇！Yeah!!! We are READY~
我哋唔客氣喇！Gogogo~~
食之前不如睇睇村爺爺點教客人食麵先啦！先飲一啖湯，原來個湯用豬骨同秘方熬製咗22個鐘㗎！然後先開始食。試試囉！
umm...啖龍蝦湯好鮮甜，而且龍蝦味好濃郁，真係好濃厚。要熬製如此濃湯，似乎落咗唔少龍蝦、豬骨同雞腳去熬先出到咁鮮咁濃嘅味道。除咗濃，就係甜，而呢種甜味，似係由純天然嘅龍蝦精華而來嘅！超正！
龍蝦肉好紥實又多肉，彈牙鮮甜。啲蝦膏都好重龍蝦味，好味呀！
大大隻蝦鉗啖啖肉，肉質好實好爽口。以幾十蚊價錢就可以食到如此質素嘅龍蝦，好滿足！
最正係伊麵吸收咗湯底精華，真係食到「索索」聲呀！XD
我哋幫襯嘅時候正值晚巿繁忙時間，所以靠埋一邊坐是常識吧！
加$6便可以配汽水一罐，又一抵價！不過彈惜晴朗媽媽一向唔喜歡汽水類飲品，所以不是我杯茶~
結果同晴朗爸爸漫步過旺角行街兼飲埋嘢，爽呀！*o*
而家做生意真係要考埋創意！
村爺爺車仔麵
地址：油麻地咸美頓街14號地下
電話：67738757
facebook：https://www.facebook.com/grandpamura
FIND US on:
BLOGs:
CONTACT US:
沒有留言:
張貼留言