The Market咁出名，應該好多朋友都試過㗎喇！
充滿期待嘅一餐由此路進~ (≧∇≦) 6:30先可以入座，我哋5:30已經到達，會唔會心急咗啲呀？XD
坐低一擺好個袋，就拿拿淋出去攞嘢食喇！
海鮮類：
第一round攞咗龍蝦，我唔客氣喇！*o*
睇下啲蝦膏~ 嘩！一向喜愛食龍蝦嘅晴朗爸爸都大讚呀！
長腳蟹都唔弱㗎！鮮味十足，蟹鉗仲好厚肉添！
日本刺身：
有6款選擇
帶子、赤蝦
八爪魚、三文魚
墨魚、吞拿魚
不同款式壽司：
三文魚肥美，赤蝦鮮甜而且漿口，仲要好大隻添呀！最驚喜係帶子，爽口味美，重拾番多年前去北海道食過嘅味道呀！Oishi~
馬肉刺身：
馬肉刺身？真係未試過喎！@.@
一件件嘅紅肉，睇啲顏色同光澤都知新鮮喇！
馬刺肉質有啲似牛肉，加埋特製醬汁，酸酸甜甜咁入口又幾好味喎！
冷盤小食：
芝士選擇都幾多款喎！
仲有即切煙三文魚
Salad吧：
蔬菜都好多款
亦有預先加入醬料嘅款式
水果好多選擇呀！
湯類：
龍蝦海鮮湯
椰子雪耳燉湯 - 好香椰子味，個湯亦夠味，清甜好飲呀！
熱盤：
魚蒸得剛好肉滑~
巴東牛肉煮得好入味；避風塘式炸蝦靜係食蝦嘅表面已經夠晒野味；喇沙湯底夠濃郁，唔會太辣，細細碗份量幾好，食完都唔會太飽。唔錯唔錯！
蟹粥選用中國傳統公雞碗來盛載，好有特色。每碗都有原隻蟹蓋，喜歡嘅仲可以加啲油炸鬼同蔥花，好香呀！
焗釀海螺
通常去飲先會食到，整得亦同去飲嘅質素一樣好味！
西班牙菜式
印度菜式
草飼羊扒
羊肉唔會好騷，肉質鬆軟多汁，幾好味喎！
輪到我喜愛嘅鵝肝喇！
煎得外脆內軟，好香口，一啖食落去啲油脂爆汁果種口感真係難以形容，食咗3 round呀！
甜品類：
最後當然要幫襯一下款式咁精緻嘅甜品啦！
呢一邊啲甜品全部都係榴槤製成㗎！
另一邊仲有其他款式
朱古力、綠茶等甜品都唔及後面嘅貓山王榴槤雪糕咁吸睛~ *o*
雖然已經食到好飽，但係榴槤雪糕實在太好味喇！係餐廳自製㗎！總共食咗3球。味道濃郁但又唔會太甜，值得推介！
食咗咁多，好滿足呀！
除咗綠茶、朱古力配搭嘅甜品外，後面仲有多款啫喱同奶凍系列
款款都各具特色，真係好想全部試晒佢呀！
結果試咗baileys奶凍同埋榴槤系列嘅甜品，每款都好好味。尤其係榴槤奶凍好滑又重奶味，食到中間仲發現榴蓮肉添！好有驚喜。而榴槤班蘭蛋糕都係重點推介之一，榴槤肉+班蘭香原來係咁夾㗎！好回味！^o^
炸榴槤外層脆卜卜，內裡嘅榴槤饀夠甘香，啲榴槤香味陣陣撲鼻呀！
除咗榴槤嘅甜品之外，其他款式都好味㗎！好似呢杯芒果奶凍咁，面頭係好juicy嘅芒果肉，而下半part係雲呢拿味奶凍。正呀！
我留意到甜品部嘅焗爐又焗梗新一盤榴槤撻喇！
仲有Häagen-Dazs雪糕批同埋Movenpick雪糕任食添！
小朋友一定會喜歡呢個糖果corner
甜品部牆上啲麵包好真實，唔知仲以為真係可以夾嚟食添！原來全部本來都係由師傅搓製嘅真麵包嚟，經過低溫處理同埋抽乾水份就變成裝飾品喇！
餐廳座位常滿，有人埋單跟住好快又會見到有新客人入座。食到8點幾都仍然有新客人，真係多捧場客喇！
有3款餐廳鮮榨嘅果汁，我試咗橙汁同芒果汁都好飲呀！因為太飽，西柚汁要留待大家去嘗試喇！
好豐富嘅一餐呀！相識13周年快樂！^^
食得太飽，餐茶特別點咗熱檸茶，幫手消消滯嘛！it's full~
餐廳嚟梗仲會推出宵夜buffet添！有興趣嘅朋友就要留意喇！(可按圖放大)
The Market果然名不虛傳，用料上盛、水準高、
The Market
電話：3400 1388
地址：尖沙咀科學館道17號唯港薈2樓
網址：http://www.hotel-icon.com
