K'Nex電動摩天輪拼砌積木@玩具“反”斗城(Toys“R”Us)

男孩子特別喜愛砌lego、砌模型，我哋今次向難度挑戰，試下電動摩天輪拼砌積木。朗朗都係第一次接觸需要用電嘅模型咋！趁開學前砌好佢先！好期待完成品呀！
購自玩具“反”斗城(Toys“R”Us)嘅電動摩天輪玩具，建議適合7+歲數玩，朗朗你得6歲咋喎！有冇信心先？

有新玩具玩，梗係有啦！睇個樣簡直信心十足呀！

即刻快手快腳拆包裝，心急得佢丫！第2樣又唔見咁快手~@.@

睇下說明書先~

首先要砌摩打部份

跟住說明書逐個step咁砌，裝啲組件落去嘅時候要小心數清楚，多咗或少咗都有可能會影響摩天輪嘅轉動㗎！

然後就要搭建摩天輪個支柱喇！

啲組件咁細，要搵適合嘅材料都好考眼力㗎！

砌嘅時候亦需要到小朋友專注力，不過如果件事係小朋友喜歡嘅就冇難度啦！

朗朗一鼓熱誠咁砌，似乎同我一樣咁期待完成品喎！

透過組件嘅拼砌同接駁，可以提升手部大小肌肉同手眼協調嘅發展。加油呀！

兩組摩天輪嘅支架都預備好喇！

裝埋上去支柱度先~

接住落嚟，要砌摩天輪嘅外圍喇！好似砌火車路軌咁，砌得好開心！

話咁快就搞掂！晴晴都話要幫手，咁麻煩妳看管住呢兩個圈先啦！XD

朗朗繼續發揮小宇宙，砌梗摩天輪上嘅座位喇！

8組座位完成！

裝嵌梗上去摩天輪度喇！

座位裝好咗！跟住下一個步驟係咩呀?

就係裝嵌另一個圈上去~

安裝埋上去支柱度，進入工程最後階段，好緊張呀！

大功告成！手動轉動已經好有滿足感喇！*o*

入埋電池落去，一按開關掣，摩天輪就會自動轉動。大成功！小朋友覺得既新奇又刺激，睇得好開心呀！

原來砌好咗嘅摩天輪有成1.9呎高，係我哋砌過嘅最大一副模型嚟呀！

睇睇介紹，另外仲有兩款過山車模型推介喎！我哋下次要再將難度升級先得！

每次帶住小朋友去到各大商場，見到玩具“反”斗城(Toys“R”Us)實會毫無考慮嘅餘地，入去行下、四圍摸下係指定動作啦！就快開學喇！我哋要把握時間去享受餘下嘅暑假，呢副K'nex出嘅電動摩天輪拼砌積木好好玩呀！由開始砌，同小朋友一齊理解摩天輪嘅每個部份。再一齊分工合作，直至完成嘅一刻，感覺就好似同公司同事完成咗一個project咁。好有成功感同滿足感呀！在過程中，除咗可以培養小朋友嘅邏輯思考、專注力、手眼協調、訓練大小手肌之外，仲促進咗親子關係添！我哋會繼續向難度挑戰㗎！下次一定要試埋過山車先得呀！

晴朗天 - 食·玩·育·美·愛の親子平台
facebook專頁：https://www.facebook.com/happytrain123
blog：http://blog.xuite.net/chinglongtin/blog