姆明日2016@荃新天地

「姆明」對於小朋友嚟講可能會有啲陌生，但對於我哋呢代就好熟悉喇！咩話？你唔識？唔好扮細喎！仲記得以前追姆明卡通嘅時光，而家去荃新天地就可以見到姆明喇！仲有間Pop-Up Store售賣大量姆明精品添呀！跟住嚟啦！
嘩！好大隻姆明呀！後面就係Pop-Up Store喇！

向晴朗介紹咗姆明係媽媽兒時嘅喜愛卡通人物，佢哋都顯得好雀躍要親親姆明呀！XD

好多姆明& friends公仔~

家居用品都好多款~

雪櫃內嘅嘢一定係食得㗎啦！埋去睇下囉~

原來係姆明macaroon呀！整得好靚，好吸引~

砌圖、相簿

公仔

文具、毛巾

擺設、沖涼用品

啲香芬沐浴套裝好靚，送禮自用都ok喎！

姆明pasta都有。勁呀！今次真係可以食咗姆明落肚喇！XDD

咁多款公仔，款款都咁好攬，揀邊隻好呀？

買滿$400仲會送姆明限量版環保袋一個添！仲等咩呀？計計數先啦！

隔離有展板介紹姆明家族

姆明 - 姆明家嘅獨子，亦係故事主角。心地善良、勇敢、鍾意冒險、熱愛大海、亦愛收集石頭同貝殻。女朋友係科妮，非常崇拜好朋友史力奇。

史力奇 - 詩人、冒險家，係姆明嘅好朋友。性格溫和、響往自由、熱愛旅行、以帳幕為家。逢秋天到南方遠行，到春天先會重回姆明谷。喜歡吹口琴同釣魚。
阿美 - 寄居姆明家嘅女仔。個子細小、性格淘氣勺蠻、滿腦子鬼主意、講嘢心直口快兼尖酸刻簿。

史力夫 - 姆明嘅好朋友，經常到姆明屋留連。心地善良、膽小，成日疑神疑鬼。鍾意尋寶、收集珍貴嘅貝殻同寶石。

姆明媽媽 - 腰間成日圍住圍裙，手袋亦唔會離手。個性直率堅強、和藹可親、非常好客。鍾意種花、做手工同執貝殻，最叻係煮嘢食。
姆明爸爸 - 總會見到佢戴住頂禮帽。自小響孤兒院生活，離開後經歷咗好多驚險嘅冒險旅程。性格有啲大細路、愛冒險、幻想力豐富，平時鍾意逗留響書房寫回憶錄。

姆明大事記詳列咗姆明嘅歷史，原來由1945年開始㗎！現場仲播放梗姆明嘅卡通片添！吸引咗不少小朋友圍觀，我哋都可以回味一下，重拾童真~

點解呢個活動會叫做姆明日？原來每年嘅8月9號都係姆明日，係姆明作者Tove jansson嘅生日。Pop-Up Store除咗以上介紹過嘅之外，仲有日曆座、透光拼圖、旅行喼、手袋、音樂盒、座枱鐘、透明玻璃碟、小毛巾、運動毛巾、水樽同埋T恤等等超過40款精品，真係睇到有啲花多眼亂呀！姆明fans一定唔可以錯過喇！快啲嚟到荃新天地入番啲貨，為屋企嘅姆明收藏增加新成員啦！