天氣凍凍哋，不如去食糊囉！
海記有5間分店，呢間係太子店。門外等位嘅人都唔少，不過都快，等咗大約10分鐘就有位喇！
店內座無虛席，嚟幫襯嘅人一走，又再安排客人入座。客似雲來一定有佢嘅原因嘅！叫嘢食先~
嚟得海記，梗係要試下佢哋嘅招牌傳統合桃糊啦！採用雲南頂級尖白合桃，自家磨製，合桃香脆可口，用佢嚟整嘅合桃糊特別幼滑味美。合桃糊+合桃粒簡直係天作之合，糊味更香，口感更正，冇得輸！
腰果糊都唔錯㗎！一樣香滑無比，仲好重腰果味。自家磨製嘅真係特別好味呀！
至於喜歡滋陰養顏嘅女士們，不妨試試川貝麥冬燉雪梨。川貝化痰潤肺，麥冬清熱養陰，兩種材料與雪梨一同燉製可增強潤肺止咳功效。響乾燥嘅秋冬時候食用，感覺特別滋潤~
唔想食傳統糖水？冇問題！店舖亦有提供多種款式嘅新派甜品，好似呢碟抹茶牛乳奶凍就係其中之一。奶凍由北海道3.6牛乳所製，除咗牛奶味濃郁之外，每一啖都帶有淡淡的綠茶清草味道。配埋紅豆+小丸子+雪米糍，好夾好好味！
大概每個女人見到美味甜品都會係咁嘅樣，我唔客氣喇！hee~
以上都唔係你杯茶？咁不如睇下餐牌有咩其他款，相信梗有一款啱你口味~ (可按圖放大)
連餐牌封面都用合桃糊設計，呢款一定係必食之選！
沙沙合桃糊就係我哋介紹嘅合桃糊+合桃粒，如果唔鍾意有合桃粒嘅朋友，可以order補腎合桃糊。不過識食就梗係叫沙沙啦！^^
芋圓係好多女士們嘅至愛，但紫薯芋圖你又試過未呢？
秋冬系列特別為乾燥嘅你帶來一點滋潤~
不同款式嘅燉蛋、燉奶~
桑寄生茶都有，係孕婦或老人家嘅補物嚟呀！對一般人都有強生健體功效㗎！
靜係睇相已經覺得好滋潤喇！
好喜歡有薑味嘅嘢，仲要係芝麻湯丸添！正呀！
豆腐花都有咁多款，啱晒唔同人嘅口味啦！
仲有好多甜品款式，款款都好吸引~
芒果系列就啱晒喜愛食芒果嘅朋友喇！
喜愛榴槤嘅朋友都照顧埋，下次一定要試下呢款呀！
甜品/糖水舖頭成行成市，想突圍而出，一定要想出獨門秘方。
海記合桃坊甜品
facebook：https://www.facebook.com/Hoi-Kee-Walnut-Place-海記合桃坊甜品專家-142022705859313
太子店：太子西洋菜南街232號 電話：2399 7937
土瓜灣店1：土瓜灣美景街73號地舖 電話：2330 1951
土瓜灣店2：土瓜灣馬頭角道33號欣榮花園購物商場地下4號舖 電話：2712 7968
九龍城店：九龍城南角道47號地下 電話：2383 0618
尖沙咀店：尖沙咀樂道34號地下A舖 電話：2660 8332
沒有留言:
張貼留言