果仁嘅牌子當中，我哋食得最多嘅係紳士牌花生、藍鑽石杏仁同埋Mauna Loa夏威夷果仁。
公平棧係一家社企，建立咗「細味公平」呢個品牌。而佢哋推出嘅飲品同食物都係以公平貿易、有機原材料、本地生產、新鮮好味、無添加為主要元素，品質好之餘，又食得健康~
話明腰果糖就梗係要用腰果整㗎啦！但係大家知唔知道腰果係點種嘅呢？原來係樹上生長㗎！全部來自印度南部W240 (每磅約240粒腰果) 嘅原粒腰果。運送嚟到香港之後，就由一班街坊婦女用心製作「細味公平」腰果同腰果糖喇！
活動除咗我哋之外，仲有好多支持者呀！
呢幾位姨姨將會為我哋分享炒腰果同埋手作腰果糖嘅秘技~
事不延遲，介紹一下所需工具先。整腰果糖要用鑊、電磁爐、刀、剷同埋木匙
材料方面，需要食油、蔗糖同埋腰果
做法：首先用玻璃樽將啲腰果壓碎~
壓嘅時候都好講技巧，又唔可以壓得太碎，最好係將腰果開半啦！腰果糖先有咬口，咁先好味㗎！
腰果碎完成後，備用。落油入鑊，加蔗糖，開爐，調較至1500度。快炒至糖漿，炒嘅時候要夠手快，唔係就會好容易燶~
蔗糖係來自巴拉圭嘅有機原蔗糖，不含防腐劑同添加劑。炒糖嘅手勢係兜圈搞，又撥下中間咁，周邊位置啲糖最容易炒燶，所以要好小心留意。見到啲糖開始溶溶哋就將個爐降溫至1300度，再溶多啲就再減至1100度。話咁快，幾分鐘就已經變咗糖漿喇！
熄火，成個鑊攞走。呢個時候就可以落腰果，然後同糖漿一齊搞拌均勻~
預備刀同剷，進入最後嘅切糖步驟喇！
將成底腰果糖堆砌埋一齊，然後壓平~
為方便切件，將佢整成長方形~
打橫平均咁切，然後再打直切，可按個人喜好而切每件嘅大小~
腰果糖新鮮出爐！入口暖笠笠，腰果香脆可口，糖味唔會太甜，配合得啱啱好。而且完全冇落味精及防腐劑，口感盡是原始的甜和腰果的香脆。我未食過咁好味嘅腰果糖㗎！*o*
學識咗之後，我哋都嚟試下囉！希望整得一樣咁好食啦！are you READY？
壓碎腰果原來唔係想像中咁簡單，力度要均勻，而且又要就住力唔可以壓得太碎~
我同晴晴兩個生手技工壓咗好耐先壓成咁，仍需繼續努力！
壓...壓壓....加油呀！
壓好之後，姨姨幫忙將啲腰果倒入碗中備用~
落油，預備整糖漿喇！
凍油凍糖，影番張先~ 唔係一陣開咗爐就要快手快腳炒，冇時間影相㗎喇！
左右炒炒，中間炒炒。原來唔係咁容易㗎！第一次炒燶咗，今次係第二次喇！真失禮！@@'''
都係要請姨姨出馬！姨姨手勢好純熟，我應該有排都未去到佢嘅級數。^^''' 糖炒好就熄火落腰果，晴晴聞到好香呀！
兜勻啲腰果相對較容易辦，不過我已經煮到一額汗喇！~.~
蔗糖同腰果撈得差唔多，就可以攞去切~
嘩！我哋有份整嘅腰果糖搞掂喇！有姨姨幫手，大成功！
胃食貓出沒注意！XD
包裝埋就大功告成！
晴晴已經急住要試味喇！自己整嘅腰果糖真係特別好味呀！
臨近過年，當禮物咁送贈親友都好喎！係一份好有愛心嘅禮物，婆婆收到實好開心啫！
下一個活動係由設計師Hinz哥哥教我哋設計創意揮春~
Hinz哥哥同朗朗構思梗寫啲咩祝福語響揮春上面~
大家估唔估到朗朗想寫咩呢？冇錯！就係最重要嘅「身體健康」喇！
第一次寫揮春，又幾好玩喎！
另一邊廂，晴晴都開始發功喇！
就係咁，設計完一張又一張，大家都玩得好投入呀！
「我寫咗大吉大利呀！」
朗朗都唔輸蝕，要跟風寫番張大吉先~
寫好就要等啲揮春風乾喇！
晴朗都覺得好好玩，仲話要番屋企再寫多幾張添喎！^o^
「心想事成」、「大吉大利」
幕後花絮：晴朗玩到攝影師氹氹轉呀！^^'''
除咗有美味嘅腰果糖帶回家之外，仲有晴朗親手設計嘅創意揮春，收穫好豐富！*o*
初時仲以為整腰果糖好容易，點知原來每個步驟都咁講究，真係少啲功力都唔掂呀！
《公平喜饌》腰果賀年禮盒 別注版 HK$228/盒
禮盒包括有機焗腰果(200克)+有機腰果糖(180克)+由香港傷健共融網絡盲人聾人家庭創作的揮春。每售出一盒將撥捐HK$30與香港傷健共融網絡，購買兩盒即可免費送貨。
只限細味公平網店發售：
https://www.fairtasteshop.com.hk/shop/fairtaste-joyous-cashew-pack
《公平喜饌》腰果賀年禮盒 HK$198/盒
禮盒包括有機焗腰果(200克)及有機腰果糖(180克)，零售點及網店均有發售。
訂購表格：https://goo.gl/86ZccM
細味公平網店訂購：
https://www.fairtasteshop.com.hk/shop/fairtaste-joyous-cashew-pack
細味公平
網址：https://www.fairtasteshop.com.hk
公平棧
網址：http://www.fairtaste.com.hk
facebook：https://www.facebook.com/FAIRTASTE
地址：葵芳葵喜街13-29號永恆工業大廈13樓10室
電話：28052336
沒有留言:
張貼留言