今次嚟到九龍灣TBG Mall新開嘅MaBaLAND，貪玩嘅你又點可以錯過呀？
跟貼啲，跟住嚟啦！
MABALAND我嚟喇！
鞋櫃好整齊企理，除完鞋放好啲鞋仔先~
消毒雙手、戴上手帶就入得去玩lu~~~
個迷宮好吸引呀！
你推我轉，玩得幾開心？XD
捐窿捐罅我至叻！
過獨木橋，要小心呀！
哎吔！邊個射我？
原來係你！好似好好玩咁喎！
唔夠子彈？再去執多啲先~
繼續跨過重重障礙
到達可以玩鞦韆嘅地方喇！yeah~
障礙又點只得一個呀？
好大個波波池呀！(雙眼發光ing~~)
每個小朋友入到波波池嘅笑容都係一樣嘅？！
係咪呀？冇扼你啩？XD
捐完樹窿仲可以sir滑梯添！好玩呀！
兩仔爺第一次玩攀石，都玩得唔錯喎！
呢個藍色機關會吹啲風上嚟！小朋友一定會好奇放啲波波上去，見到波波飛起就十分之興奮喇！
嘩！得咗喇！
呢條滑梯好玩呀！
連我哋都玩埋一份~ XD
迷宮唔只一個入口，亦可以爬繩索上去㗎！
努力、加油！
玩完迷宮同波波池，可以玩下玩具啦！
入廚房整嘢食，啱晒女孩子~
嘩！未見過咁大粒lego㗎！勁興奮呀！
啲lego係軟膠造嘅，咁就可以玩得安心又放心啦！
你砌我揼！呢層樓？我有份起㗎！XD
工程完成！yeah~
跟住去玩下充氣大彈床囉！~~~
跳呀！彈呀！撞呀！點玩都唔怕整親，進入咗忘我境界喇！
就連大人都玩得一樣咁開心！
仲有thomas小火車玩呀！
黑布背後究竟係咩嘢地方嚟呢？
原來係party房，我哋一陣就會響呢度開party喇！
場地為我哋悉心設計嘅畫面，好靚呀！
小朋友！預備開餐，過嚟洗手喇！
呢度仲有育嬰室
有地方可以幫bb換片片，太好喇！
食物到齊！Are you READY????
一個跟一個排好隊，攞嘢食，唔好爭~
我哋唔客氣喇！
五臟廟正式啟動喇！
一堆忙碌的爸爸媽媽~
唔夠仲可以添食，不過唔好食得太飽喎！因為仲要出去再玩過㗎！
睇嚟....大家都好肚餓吓~ 唔駛一陣掃清光喇！XD
切蛋糕時間！蛋黃哥hea住出場！hea~~~
今個月有3位壽星仔壽星女！
其中一個係媽媽來添呀！唱生日歌喇喂！~~~
朗朗係壽星仔之一，勁開心啦佢~
分工合作時間，女孩子的確係乖啲嘅~
蛋黃哥hea住比人切喇！Ouch~
睇下啲小朋友食相就知道幾咁好味啦！
人生得一知己，死而無憾。計我話人生得一班爛玩媽媽，唔玩就遺憾喇！XD
食飽繼續玩，今次砌咗張皇帝椅出嚟呀！參見皇上~
場地正進行人流管制
走嘅時候不妨四圍參觀下TBG Mall，Mabaland門前有得玩跳飛機~
懷舊大街小巷
有懷舊小食售賣~
幫襯買番包飛機欖先~
當然唔小得玩具店~
food court都設計得古色古香~
連啲座位都咁懷舊，好似番咗六七十年代咁呀！
唔知有咩好食呢？有待大家去發掘喇！
呢款地板真係好得！
我究竟番咗去邊個年代呀？哎吔！穿煲添！見到啲扭蛋機.....
九龍皇帝嘅毛筆字？
帶一粒象棋回家好冇？
MaBaLAND負責人Andrew認為一般playhouse都喜歡採用膠嘅物料作為主要設施，
而佢就比較喜歡用木材做主要材料，場地四周都可以見到實木裝飾
，散發著天然清香嘅木材味，比起膠料嘅塑膠味來的健康、自然。
晴晴至愛玩大彈床，朗朗就愛玩巨型lego，
而我哋就勁鍾意波波池果條大滑梯。
呢度唔只小朋友玩得開心，大人都變晒大細路樂在其中，真係一個親子玩樂嘅好地方呀！
We'll be back~~~一齊嚟睇下場地嘅環境啦！去片~
MaBaLAND親子空間遊樂園
地址：九龍灣得寶花園地下TBG mall(牛下新城)T138舖
電話：3709 2004
網址：http://www.mabaland.com
沒有留言:
張貼留言