2017年4月21日 星期五

【宜蘭親子遊】宜人生活

到宜蘭旅遊,想親身感受一下當地人嘅生活,揀選住民宿係不二之選。但係呢度民宿多達1500家,每家都各有特色,風格不同,亦有唔同主題,點揀好呀?話明係親子遊當然會揀番親子民宿啦!跟貼啲,跟住我哋嚟啦!
「宜人生活」,好明顯係講梗宜蘭人嘅生活啦!位置響宜蘭縣冬山鄉境內~


屋子被一大片農田包圍住,景色怡人,好舒服喔~


睇下啲稻米插得幾整齊?做農夫認真唔容易呀!


晴朗已經被屋外嘅搖搖櫈吸引住,正玩得慶起~


喂喂!兩個唔好玩喇!快啲入屋睇下啦!


一入到去,就見到好大隻比卡超喇!莫非佢要為我哋做登記?XD


Hello! Hello! 比卡超你好呀!


原來客廳呢邊都有比卡超呀!仲有好多millions添!嘩!~*o*


全部都係晴朗喜歡嘅卡通人物,兩個玩公仔都玩上好一陣子喇!^^


咁多公主裙嘅?一定可以討女孩子歡心!*o* 可惜冇大人款啦!我都想做皇后呀!XD


廚房大而且整齊企理,職員聽朝就會響呢度為我哋煮早餐㗎喇!


飯廳嘅三角形餐枱襯埋古典嘅天花燈,十分有「家」嘅感覺,好溫暖喔~

講咗咁耐都仲係講梗地面果層嘅共用空間,快啲上房睇下先~


一開房門入到去,左手邊係一張長枱同衣櫃,用嚟擺放行李啱晒!衣櫃內擺放咗士啤被舖,隨時可以加添保暖~


呢張Snoopy主題嘅雙人床,好明顯係for大人㗎啦!


迷你梳化就為小朋友而設,好貼心~


基本上,滑梯係所有親子民宿嘅必備設施,晴朗又用佢哋嘅另類玩法去玩滑梯喇!啲公仔好慘!^^'''滑梯旁邊有一張兒童床,晴晴話要瞓呢張喎!


再行上幾級樓梯,有另一張兒童床,已被朗朗佔據了~


客廳擺放咗好多玩具,慘喇!今晚實玩到唔捨得瞓啦!@.@'''


洗手間乾淨企理,設備仲好齊全添!


有企缸亦有浴缸,想點沖都得呀!^^


企缸呢邊已經提供埋洗頭水同沐浴露,兩款都係有機產品~


原來唔只浴缸咁簡單,又大又深,直情係浴池嚟啦!仲有沖涼玩具添!晴朗沖涼唔知要沖幾耐喇?^^'''


牙刷、牙膏、漱口杯、洗手液一應俱全,我仲自備咗添!哈哈!


亦都有專為小童而設嘅牙膏、牙刷同漱口杯,住酒店都冇咁體貼呀!


白色大毛巾for大人用,而動物造型小浴巾專為小朋友而設。民宿仲為我哋煲咗一jar蘋果茶,又送咗宜蘭出名嘅牛舌餅同豆漿畀我哋!好窩心呢~


唔只大人有禮物,小朋友都有大禮物呀!發達喇!*o*


晴朗開始四出展開搜索,大把嘢玩!玩邊樣先好呢?不如釣下魚啦!


拼拼砌砌係朗朗嘅強項,估唔到嚟到宜蘭都可以盡情發揮!


弊加火喇!馬騮仔病咗!晴姑娘話打支針,快啲好喎!


掟飛鏢,考下眼界先~


究竟會係晴朗隊嬴,定一話係晴朗爸爸技術高啲?似乎兩組都冇咩技術可言,唯有靠運氣啦!XD


輕輕鬆鬆玩車車,爽呀!車埋我一程啦!


咁樣打保齡球,你又試過未丫?小朋友真係創意無限呀!^^'''


晴晴走入嚟浴室好多次監察水量夠未!差不多喇!可以玩水囉!Yeah!!! ^o^


晴朗玩盡所有沖涼玩具,原來可以有咁多不同玩法,沖涼變得好好玩呀!已經進入咗忘我境界~


玩完一大輪,皺晒皮,係時候要過隔離企缸加泡泡兼沖身喇!咁樣都可以玩一餐~ ^^'''

晚上在民宿好寧靜,極其量只會聽到蟲叫聲,比起香港晚上嘅跑車聲舒服得多!瞓得好好呀!

第二朝早上,趁晴朗未起身,一個人出去吸收下新鮮空氣~


房間門外設有水機,可以隨時添飲~


民宿裝修撲實舒適,響度住就好似自己都變咗宜蘭人咁呀!推開落地玻璃,外面風景如畫~


早上好多雀仔聲,我亦隱約聽到遠處傳來嘅鴨仔聲,一大片綠草如茵嘅農田景原來係咁靚㗎!


屋與屋之間都幾遠,感覺開揚舒適。呢個時候如果可以嘆番杯咖啡,你話幾咁寫意呢?


特色燈飾為民宿加添咗一啲時代感,睇得出裝修上都花咗唔少心思~


樓梯好寬敞,行到落去可以同比卡超講聲早喇!


客廳嘅大型梳化帶來一種典雅嘅溫馨氣氛~


廚房傳來職員輕鬆愉快嘅哼歌聲,應該為我哋準備梗早餐呀!


早餐有中式亦有西式,當然唔少得嘅係兒童餐啦!


天氣好好,溫暖嘅陽光帶畀我哋朝氣勃勃嘅早晨!Good Morning~~


屋子前面,電動車已經ready!正等待小朋友食完早餐嚟玩呀!


行到去屋子後面,來一下深呼吸,平日生活幾咁忙碌都好,響呢個moment一切都拋諸腦後,只有好好享受~

肚子響起咕咕聲!我哋嘅早餐已經按時搞掂,時間較得啱啱好!


嘩!兒童餐有腸仔、火腿、煎蛋、三文治同埋雜菜,好吸引呀!*o*


我呢個西式早餐都唔弱,啱晒我口味!


至於晴朗爸爸嘅中式早餐都好有地道風味,我都偷食咗少少呀!XD


另外仲有甜品、蔬果跟埋,唔講仲以為嘆梗high tea添!^^


亦有宜蘭有名嘅蔥油餅,住家整嘅都係第一次食咋!食得出果份心機~


粟米湯都有!我哋早餐好少食得咁豐富!


結果竟然食得晒!好好味!係一份好有heart嘅早餐呀!


晴晴揀嚟揀去,最後都離不開粉色系~ ^^


車手們各就各位,are you READY??


早餐後嘅活動,就係晴朗熱切期待嘅大玩電動車喇!響石屎路上行駛,就好似揸梗真車一樣呀!so happy~


快樂嘅時間過得特別快!要泊好車車囉!係時候要上房執行李喇!


晴晴臨走都仲要玩多幾轉瀡滑梯,爭啲唔捨得走呀!


呢位係向我哋詳細介紹房間設備、準備水果茶同早餐,臨走仲為我哋預備充足樽裝水嘅「二姐」,好窩心、好有媽媽feel!對我哋照顧周到,唔該晒呀!^^

台灣民宿嘅大名已經聽過好耐喇!終於有機會一嘗地道嘅住宿體驗,好開心!宜人生活,名乎其實可以令我哋體驗到宜蘭人嘅生活。簡單撲素、親切友善,大概就係宜蘭人嘅生活同特質喇!民宿為我哋預備嘅一切都好細心,仲有驚喜添!佢哋真係一心一意想帶畀我哋難忘嘅回憶!瞓得好、食得好,自然精神奕奕啦!又要為下一個行程趕路喇!感謝宜人生活,真係有啲唔捨得佢哋呀!有機會再見啦!


宜人生活
地址:宜蘭縣冬山鄉吉祥路569號
電話:0989-604798
網址:http://easylife.yilantravel.net


FIND US on:
     

BLOGs:

CONTACT US: