2017年4月18日 星期二

【JOBS junior】junior FIREMAN 小小消防員

上次玩咗JOBSjunior嘅小機師,今次又接到新任務喇!小朋友將會穿起超帥嘅消防員服裝,接受艱辛嘅訓練之後,就要正式進行拯救工作。一齊來烈火童心囉!
小朋友都清楚知道自己將要肩負起重任。加油呀!Give me FIVE~


Warm up完一輪之後,就要入場進行特訓喇!Are you READY???


成班學員同媽媽分別嘅時間,絕無半點猶豫,個個都信心十足呀!


在吸收咗消防冷知識之後,就要進行一連串嘅訓練喇!首先係體能測試~


然後就要拯救被困高空嘅動物~


情況太危急!動物已經無路可逃,唯有由大廈跳落嚟啦!好彩一班英勇嘅消防員合力成功接住佢哋咋!


最後,進行埋射水滅火,整個訓練過程便完成!


跟住就到家長們最期待嘅觀課環節喇!Yeah!!!


晴晴穿起消防員裝,巧帥喔~ *o*


有外表唔代表有實力嘅!見習試即將開始!小小消防員要救人逃出火場呀!


火場十分黑暗,通道九曲十三彎,小小消防員正搵路帶領一班巿民逃生~


由於火場成個迷宮咁,市民只能夠相信專業嘅消防員喇!加油!


在消防員堅毅不屈嘅精神下,終於帶領一眾巿民逃出生天,到達安全嘅地方喇!辛苦晒!^^


在等待消防員進行最後課程嘅時候,一班家長不停玩自拍,似乎玩得仲開心過班學員喎!XD


小小消防員列隊出場!畢業典禮隨即展開!Wow~ ho~~ 好犀利呀你哋!掌聲鼓勵!!!


任務完成!小小消防員畢業喇!Congratulation and celebration!!!


面對重重困難同挑戰都唔放棄,絕對令人佩服同欣賞!We are proud of you!!!

見到小朋友學有所成,做父母嘅當然開心啦!雖然一切都只係模擬,但就好自然聯想到晴朗第時畢業嘅一幕呀!會唔會諗得太遠呢?番嚟喇!番嚟喇!朗朗參加過小機師,又玩埋消防員,佢話覺得消防員仲好玩!因為有得射水喎!而我就覺得今次嘅觀課環節好過癮,再唔係坐響度齋睇同影相,而係可以參與埋一份,同小朋友一齊走出迷宮。家長除咗可以了解活動之餘,亦可以見證小朋友嘅投入程度。我哋都玩得好開心呀!唔知下次又會有咩嘢新任務呢?我哋一定會保持好體力,隨時迎接新挑戰㗎!

你或者會有興趣重溫junior AIR CREW小機師/小空姐活動:
http://blog.xuite.net/chinglongtin/blog/456347437


JOBS junior
facebook:https://www.facebook.com/JOBSjuniorsimulation
網址:
http://www.goodmorningclass.com.hk/jobsjunior


FIND US on:
     

BLOGs:

CONTACT US: