2017年4月10日 星期一

【抵食好feel】澳門巴黎人自助餐 Le Buffet

辛苦搵嚟志在食!今次食到過埋大海呀!難得過開澳門巴黎人睇韓國喜劇《拌飯秀》,梗係順便響果度拆埋大餐啦!唔好講咁多,趕住落船喇!
響氹仔碼頭過完關,出到去就見到巴黎人shuttle,快啲跳上去先~


職員派咗兩張抽獎咭畀我哋,每張都已經附有免費巴黎鐵塔體驗門票。正喎!


揭起兩張都係食嘅優惠,啱晒我哋啦!XD


第一次嚟到巴黎人,感覺就好似真係去咗巴黎咁呀!


抬頭一望,天花都設計得好靚,好似置身於宮庭一樣古典優雅~


金碧輝煌嘅巴黎鐵塔都好靚呀!


lunch buffet時間到,準備入去開餐lu喂!~^o^


我哋被安排坐窗邊位,環境十分唔錯呀!


座位仲可以望到巴黎鐵塔添!正到爆!*o*


好清楚!如果夜晚亮燈後一定仲靚啫!


我哋預備起動喇!心情極之興奮!~


坐低冇耐,waiter就送上餐飲,而且仲會不停refill添㗎!


鍾意嘅亦可以出去自己沖咖啡或者攞其他飲品~


事不延遲,出去攞嘢食囉!gogogo~

壽司/刺身:


我呢個三文魚怪發功喇!好新鮮呀!食食食~ 不過唔好食太多,要留肚,仲有好多嘢等住我食㗎!XD

海鮮:


青口、蝦同螺都ok喎!繼續戰鬥!keep fighting~

沙律:

芝士/肉腸片:

麵包:

燒味:


叉燒屬於半肥瘦,同我一樣咁肥美。XD 燒肉個皮都整得幾脆,不過如果熱辣辣出爐應該會更加好味!


慢慢嘆大餐,好悠閒喔~

中式粉麵:

中式熱盤:

中式點心:


呢個三層扣肉包味道類似片皮鴨,個皮係食片皮鴨果啲餅皮,但就係厚切版,夾住扣肉、青瓜,配埋醬汁咁食,好match好好味呀!

印度咖哩:

西式熱盤:


烤薯仔、焗茄子芝士、蟹肉芝士焗意粉、烤雞蘑菇、白蜆烤魚配葡式香腸...全部都唔錯!但開始有飽肚feel,要進攻甜品喇!*o*

甜品:


香蕉覆盆子mousse cake、黑森林蛋糕、綠茶cheese cake都好好味呀!特別係橙色果件,唔講都唔知原來係香蕉蛋糕嚟!好香好濃郁!


芝士蛋糕、Tiramisu、焦糖布甸、Opera蛋糕...每款都好有水準。最欣賞嘅係Opera,好重咖啡味,夾埋朱古力蛋糕層,要encore呀!


呢個6層蛋糕好靚呀!可惜只係裝飾品~


快將到復活節,大大隻朱古力蛋裡面有座巴黎鐵塔,好有意思!又係裝飾...如果可以試食就好喇!XD


食飽大餐之後,四圍逛逛,巴黎人嘅裝修真係好富麗堂皇~


如果嚟呢度影婚紗相效果一定好靚啫!


每個人像都整得好細緻,我似唔似去咗外國旅行呀?哈!


行逛期間,遇到不同嘅演藝人員,全部都好熱情,亦好樂意一齊拍照。初時經過送麵包銅像人,仲以為只係擺設嚟!佢突然響我哋面前郁動,真係畀佢嚇一嚇,好搞笑呀!


向巴黎鐵塔進發囉!


巴黎人唔只內裡裝橫華麗,建築物外牆都設計得好靚㗎!


終於見到我哋期待已久嘅巴黎鐵塔喇!yeah!!!


欄杆扣滿晒遊客嘅留言鎖頭,好壯觀!


預備上37樓觀景台~


上到去原來係窄窄嘅地方圍繞塔頂一圈~


響呢度可以望到巴黎人酒店嘅全景,好宏偉呀!


游泳池有好多條滑梯,仲有旋轉木馬同埋城堡遊樂場添!實在太吸引喇!*o*


鐵塔雖然唔係一比一建築,但已經覺得好壯觀喇!有機會都想去番轉巴黎睇下真正嘅巴黎鐵塔呀!^^


今次飛甩晴朗過澳門,回程當然要買多少手信番去補數啦!XD

每次去澳門,都會有種悠閒自在嘅感覺。雖然距離香港唔遠,但身為遊客,都好自然只有吃喝玩樂,咩嘢都唔駛理。今次嚟到巴黎人,呢度嘅環境所營造嘅氣氛,就好似去咗巴黎旅行一樣。自助餐嘅甜品種類多而且有水準,啱晒鍾意食甜品嘅ladies啦!其他食物質素都唔錯!$248+10%就有咁多嘢食,算係幾抵食!邊食邊欣賞巴黎鐵塔,幾咁寫意呢!呢啲先叫做人生嘛!有機會都想帶埋晴朗再嚟過,不過下次想試下dinner buffet,食物一定會更加多款同豐富呀!巴黎人最近做梗「巴黎人美景佳餚優惠套餐」,響指定餐廳用膳送巴黎鐵塔門票呀!優惠期有限,有興趣嘅朋友快啲把握機會啦!

 巴黎人自助餐 Le Buffet 
巴黎人美景佳餚 • 優惠套餐:https://hk.parisianmacao.com/macau-restaurants/view-n-dine-2017.html
地址:澳門路氹城路氹金光大道連貫公路澳門巴黎人1樓

電話:(853) 8111 9250