麗星郵輪海上學堂

天氣好，又係四出遊玩嘅好時機喇！我哋被生活易-靚太Club抽中參與「麗星郵輪海上學堂」，好幸運呀！一齊嚟感受下當日熱鬧盛況啦！
嘩！我哋響停車場已經可以見到郵輪嘅頂部，好震撼呀！

晴朗第一次接觸咁大隻「船」，勁興奮~ XD

一齊向處女星號進發囉！~~~

途中有發現呀！稍稍停步...

晴朗有個信念，跟住呢啲指示就會搵到郵輪㗎喇！好似玩梗尋寶遊戲咁~ XD

今日上船有dress code㗎！所有人都要穿上以海洋為主嘅服飾，我哋合唔合格先？

小朋友已經好期待上大「船」喇！開閘呀！放我入去呀! ~~~

但係入口好似唔係果度喎！呢邊呀！行到埋郵輪身邊，感覺自己變得好渺小

預備登船喇！一人一個登船證，個個隨即化身為小小航海家

通過呢條橋，好快就可以踏足郵輪，超緊張呀！

麗星郵輪海上學堂隨即展開，跟住我哋嚟啦！

「嘩！船都會有lift嘅？」晴朗問，唔好見怪，佢哋大鄉里出省~ XD

船上裝修富麗堂皇，就好似去咗酒店咁呀！

到處可見到小小航海家旗幟

咦！比我「立」到有Duty Free，係咪有免稅貨品賣呀？正呀！不過未離境係唔開㗎....Oops

晴朗第一次搭船上嘅lift，好興奮！我哋正前往12樓嘅泳池區~

環境好正！好似去咗渡假咁呀！

天氣咁熱，見到泳池同按摩池就想衫都唔換即刻跳落水喇！XD

滑水梯都好吸引喎！

由上高一直sir番落嚟泳池，一定好刺激，有機會要嚟感受一下先得呀！

通過10樓嘅房間樓層就到我哋活動嘅場地喇！

wow~ 落地大玻璃，即刻埋去窗邊睇下先~

望到晴朗天下嘅維港景色，感覺好舒服、好放鬆~ (又幫自己賣廣告添XD)

好surprise呀！原來主辦單位為我哋準備咗茶點，我哋幾隻胃食貓聽到梗開心啦！(≧∇≦)

Wow~ 茶點都好豐富喎！

有可愛嘅動物形狀包包...

哈哈笑嘅macaroon...

得意動物曲奇餅...

仲有啫喱添！

開餐囉！有人已經急不及待食梗喇！哼哼~~~

好精美呀！感謝大會嘅安排！^^

主菜嚟喇！其實我哋今次上船嘅目的係學整麵包，參觀得太興奮都差啲忘記咗添~ XD

小朋友正專心聽廚師傳授秘笈

我哋開始為自己獨一無二嘅包包努力喇！

朗朗話咁快就已經完成好熊仔嘅外貌，可以攞去焗lu~

跟住落嚟，我哋要學點整熊仔嘅眼睛、鼻同咀喇！

廚師三兩下手勢就已經整好咗，果然係真功夫呀！希望我哋都可以整得咁靚啦！

畫好咗鼻同個咀，好有成功感呀！hehee~

我都唔弱㗎！hohoo~

包包出爐喇！點解靚過我哋整果啲咁多嘅？原來由於時間關係，廚師已經為我哋預先準備好晒啲熊仔包喇！

將鼻同咀放上去，加埋眼睛就完成！

屬於我嘅熊仔包呀！整得靚嘛？

晴晴好心急已經開始咬佢喇！哎吔~ 好殘忍呀！@.@

響呢個時候，突然有兩隻麗星郵輪character-查理船長同麗麗出場，比咗好大個surprise班小朋友~

小朋友見到佢哋簡直係愛不釋手，又攬、又錫、又拖...搞咗好耐我哋先影到呢張大合照咋！XDD

我哋都要同佢哋嚟番張合照先，好可愛呀！

學完整麵包，繼續食埋啲茶點，係咪金魚嚟㗎？都唔知飽嘅？晴朗爸爸就睇梗大會派發嘅麗星郵輪資料，我見到「日本」兩個字喎！正呀！有條航線會去沖繩㗎！

通過隨意門，我哋話咁快就到咗日本喇！幻想下都開心啦！XD

走嘅時候試下行樓梯先~ 一樣咁happy ^O^

臨走不忘四圍再影下相，晴晴同我講唔想走，今晚要留響度住一晚....@@'''

可能要令妳失望喇！我哋今日盡情響船上感受下先啦！

船上售賣嘅包同甜品都好吸引，仲見到有熊仔包發售添！

落船喇！希望下次再嚟嘅時候可以達成晴晴嘅心願啦！哈哈！

暢「郵」沖繩好吸引，比啲資料大家睇睇啦！

(按圖可放大)

(按圖可放大)

早排其實都有睇下啲郵輪假期資料，但睇睇下又冇咗件事。估唔到咁啱生活易-靚太Club舉辦嘅活動可以帶埋小朋友一齊上郵輪感受下，知道被抽中果一刻真係唔敢相信呀！晴朗上到船好似成個大鄉里咁乜嘢都覺得好新奇，仲問點解隻船唔會搖搖下嘅？感謝生活易-靚太Club同麗星郵輪比咗一個咁好玩又難忘嘅郵輪體驗我哋呀！We'll be back~ 當我哋再次踏上郵輪嘅時候，亦即代表我哋真係嚟享受假期喇！期待~~~

 

 生活易-靚太Club ：http://wow.esdlife.com/mrs-club
 麗 星 郵 輪 ：http://www.starcruises.com/cn/home.aspx