2016年7月19日 星期二

Disney Tsum Tsum Walk N'Roll Festival@又一城

最近有冇發現有班廸士尼大軍進駐咗又一城?跟住我哋嚟睇真啲啦!
嘩!就係佢哋喇!又一城頓時變咗Disney Tsum Tsum嘅主場,好熱鬧!


「Disney Tsum Tsum鐘樓」有成7米咁高,好巨型呀!晴晴拼埋去變得好渺小~ XD


壽司就食得多喇!Disney Tsum Tsum卡通人物壽司你又食過未呀?「壽司嘉年華」好有動感!多款造型精美嘅Disney Tsum Tsum可愛壽司響巨型迴轉壽司輸送帶上面轉動,巧打意呀!


碟碟都咁cute,點揀好呀?


我哋就揀咗Mickey喇!你又鍾意邊款呢?


「劍球狂熱」區有好大座劍球呀!原來劍球係日本人喜愛嘅傳統玩具,放埋啲Disney Tsum Tsum卡通人物落去,好match,令到啲卡通人物更加活潑可愛~


佢亦都係一部好有動感嘅機動裝置嚟!睇住佢不停轉~不停轉~不停轉~ 幾過癮喎!


又要同至愛Mickey影相~ 哎吔!要快呀!Mickey走梗喇!


「交響樂搖滾劇場」內放置咗色彩繽紛嘅鼓同埋巨型琴鍵


仲有巨型豎琴同大提琴添呀!音樂細胞突然上升,我哋文化咗好多呀!XD


參觀完四大動畫機動場景後,過去隔離嘅銷售專區睇下先~


區內有好多嘢賣,包括咗文具用品、飾物、家居用品、旅行用品同服裝......等等,留番最後先逐一同大家介紹啦!


shop嘅頂頂啲Disney Tsum Tsum卡通人物好可愛呀!


而響背後播放梗嘅卡通動畫吸引咗一班小朋友坐定定咁睇,一定好吸引啦!


上到去G層見到以Hunny Popcorn為主題嘅影相區,過去睇下囉~


爆谷造型列車上都有好多Disney Tsum Tsum卡通人物呀!


晴晴至愛就係Minnie喇!


Popcorn~ popcorn~ 周圍都係爆谷,好想食晒佢呀!


走入爆谷列車仲可以近距離見到三大主角添!


Mickey


Winnie the pooh


仲有Elsa呀!大滿足!~~


隔離設有Disney Tsum Tsum街機,將手機game進化成為街機版,好玩呀!只需即場LIKE「Tsum Tsum Festival」同埋「Festival Walk又一城」Facebook Page,upload埋相片就可以玩一次喇!


「Disney Tsum Tsum TOMICA專區」設在UG層


圓碌碌嘅Disney Tsum Tsum卡通人物造型玩具車好得意呀!


紅色吊橋內展示咗最新嘅TOMICA系列模型,跟我嚟啦!


嘩!數之不盡咁多,好壯觀!


我最鍾意粉紅色果部呀!


米奇形狀火車軌夠晒特別!如果可以帶晒番屋企就好lu~~ XD


Disney Tsum Tsum系列嘅車仔真係好cute呀!


呠呠~~ 火車捐山窿喇!


過埋隔離銷售專區睇睇先~


呢度有多款Disney Tsum Tsum TOMICA聯乘系列模型車仔


特別版廸士尼火車卡就最具特色~


等我哋都揀番㗎車仔先~


除咗車仔,仲有多款玩具發售,小朋友見到一定開心啦!


L2層設有DIY姓名貼紙機同貼紙相機


就嚟開學,整番張姓名貼紙用都好喎!只需要輸入姓名,然後按PRINT...


話咁快!一張靚靚Disney Tsum Tsum姓名貼紙就印好喇!


好靚呀!整多張比哥哥先~ hehee


以前拍拖影貼紙相就影得多,同小朋友影都係第一次。試下囉!~


睇睇有咩需要注意先,5歲以下小童要由成人陪同,咁晴晴冇得揀喇!一定要同媽媽一齊影lu~ (可按圖放大)


小朋友當然樂於貼實媽媽咁影啦!二話不說就已經入梗錢喇!


款款都咁靚,點揀呀?幣加火,count梗時間,揀快啲啦!


攝咗兩張相,跟住好快就見到張貼紙相出梗嚟喇!


唔錯喎!好滿意呀!


臨走不忘去番LG2層嘅銷售專區繼續購物~ XDD

大家可以睇下有咩嘢啱心水喎!先睹為快~


特別想介紹呢個背囊,因為我同佢一見鍾情。XD 係DIY系列嚟㗎!有啲Disney Tsum Tsum襟章可以貼落背囊度,咁咪可以天天轉新款囉!hohoo~

今個summer由7月16號至8月16號嚟又一城就可以見到Disney Tsum Tsum Walk N'Roll Festival各個Disney Tsum Tsum角色活潑可愛、生動鬼馬嘅一面,銷售專區會獨家發售過百款Disney Tsum Tsum限定商品,期間仲會不斷加入新商品添!如果係Disney Tsum Tsum迷嘅你,又點可以錯過呀?快啲嚟到又一城感受一下滾動狂歡嘅夏日啦!

詳情可瀏覽:http://www.festivalwalk.com.hk/tc/whats-hot/event.php?id=576

 Festival Walk 又一城 
網址:http://www.festivalwalk.com.hk/tc/
Facebook:https://www.facebook.com/FestivalWalk

沒有留言:

張貼留言