香港地寸金尺土，大間啲嘅playhouse已經買少見少喇！
兩部旅遊巴合共百幾人，浩浩盪盪一齊去玩lu~
愉景灣交通係屬於受管制區域，事前要預先申請。攞咗permit，旅遊巴就入得去喇！有特權咁進出愉景灣，好似好勁咁喎！XD
到達喇！到達喇！入到去第一樣玩咩嘢先好呀？晴朗已經極速貢咗入去彈道飛球區，跟住入去囉！
哦！原來又係playhouse必有嘅彈波機，吸引咗好多小朋友嚟玩呀！
晴朗都好落力去執波喎！完全樂在其中~
不過要小心有人響上面射球突襲呀！@.@
幼兒天地 - 一個專為3歲或以下小朋友而設嘅區域
晴晴響充氣彈床入面狂跳，睇嚟好好玩咁喎！
想點跳點撞都唔怕，盡情jump啦！
坐在大型積木上就好似搖搖床咁呀！
開隻窗呼吸一下新鮮空氣先~
過埋隔離池塘睇下魚，幾寫意~ XD
第一次見會閃燈嘅滑梯，好受歡迎呀！
另一個遊樂場亦好啱幼童玩樂
有車車坐，亦有畀小朋友捐癃捐隙嘅設施
木屋仔
機械人，兩款都有小朋友至愛嘅滑梯㗎！
四周望望，發現高高聳立嘅攀石場，好壯觀！不過有高度限制，小朋友要夠1米高先玩得~
攀石場前面係彈床區
小朋友跳得好hyper呀！連我都想玩埋一份呀！
小型高爾夫球場 - 似乎係訓練小小高爾夫球手嘅好地方
場內設有多個不同難度嘅區域，練習多幾次就可以成功入洞㗎喇！
啱啱又成功咗！好滿足！yeah!!!
呢個攀架邊爬邊轉動，可能要兩個人一齊爬balance一下先掂喎！
朗朗雙眼發晒光！原來被lego區所吸引呀！
彩虹滑梯 + 黑洞滑梯 - 挑戰膽量嘅時間嚟喇！
我哋預備上去挑戰，信心十足咁喎！
踏足彩虹滑梯之上，好高呀！有畏高嘅要考慮下先好上嚟！衝落去喇！Woo~ ho~~
身體傾側度會影響瀡嘅速度，想瀡得快啲就向前傾多少少啦！
好好玩呀！朗朗又急急腳再去排隊嚟第二round喇！
由側面望向黑洞滑梯後，我決定睇晴朗佢哋玩就夠~ XD
兩條滑梯都好好玩，黑洞就當然需要膽量大啲啦！
玩到中場，個肚開始發出咕咕聲，又係時候出去搵嘢食喇！
愉景北商場有幾間餐廳，pizza、西餐、印度菜、coffee shop都有
我哋揀咗食印度菜，啲嘢食好好味！餐牌都有多款唔辣嘅食物，order畀小朋友就啱晒啦！
好豐富嘅一餐，食飽又去玩過囉！~~
印度美食風味屋 Mirch Masala Indian Restaurant
地址：愉景灣愉景北商場地下G29號舖
電話：29871337
愉景灣環境真係好正呀！就好似去咗外國一樣~
令我回憶起幾年前嚟過愉景灣酒店住嘅難忘假期，好回味呀！
再戰Epicland！原來呢度有不同類型嘅運動場，多做運動身體好呀！
嚟到十分熱鬧嘅兒童遊戲區，預備過三關斬六將喇！
小心地下面啲溶岩，好驚險呀！
趁冇人見到，快啲通過玻璃地板啦！唔好畀人發現呀！
又有滑梯瀡喇！yeah!!!
呢條滑梯幾好玩，唔怪之得朗朗要我陪佢瀡成十幾轉啦！來回咁走，有啲氣咳，唔知有冇幫助減肥呢？XD
玩玩下，發現晴晴響幼兒天地成個人瞓咗響池塘度，好enjoy下喎！XD
再繼續挑戰障礙物啦！
實行關關難過關關過，冇有怕！
瀡埋呢條大滑梯就到達終點㗎喇！gogogo~
另一邊廂，晴朗爸爸預備挑戰Air Trek喇！(1.3米或以上先玩得)
登上四層樓之高嘅地方，望番落嚟你都咪話唔驚呀！
晴朗爸爸開始挑戰第一part，睇到我心慌慌~
總共有9 part，每一part難度都唔同㗎！
好似呢part咁，就得番一條鋼線喇！好恐怖~
每part嘅扶手方法亦會唔同，難度似乎越嚟越高喇！
全團唯一一位媽媽夠膽玩，好佩服佢嘅勇氣同膽量呀！
一齊嚟睇下驚心動魄嘅空中漫步啦！
玩咗大半天，又係時候講拜拜喇！
Epicland佔地14000平方呎，算得上係香港最大嘅playhouse。
晴朗爸爸入場之後猶豫咗一陣報唔報Air Trek，結果都登記咗！好多人排，食完飯都未輪到佢玩。
自己組團達30位小朋友就可以$130/一大一小嘅價錢 (額外成人$70/位) group booking㗎喇！
Play Waiver / Hold Harmless Agreement Form (可按圖放大)
場內職員服務相對好好多，我哋都玩得幾開心！
EpicLand 歷奇王國
費用：星期一至星期五 $148/一大一小 (兒童為1-12歲)，額外成人(13歲或以上) $168/位
星期六、日及公眾假期 $188/一大一小 (兒童為1-12歲)，額外成人(13歲或以上) $200/位
地址：香港大嶼山愉景灣愉景北商場地下G31
電話：2441 0098
網址：http://epiclandhk.com/ch
沒有留言:
張貼留言