2016年9月26日 星期一

Laneige化妝及護膚品 [PART 1]

大家有冇留意到Laneige最近出咗一系列嘅貓頭鷹化妝品呀?晴晴經過見到已經被佢吸引住,於是我哋就入咗去shopping喇!
就係呢個系列,係咪超靚呢?


不過世事往往事與願違,貓頭鷹系列嘅BB Cushion冇我嘅膚色,結果買咗普通裝嘅BB Cushion。另外買咗定妝粉餅、base同埋mascara,仲送咗一大堆sample添!收穫好豐富呀!@.@

Water Supreme Primer Base

Primer Base注入咗深層水成分,可以有效撫平肌膚紋理,為上妝前做好準備。買嘅時候見到有3隻色,最終揀綠色係因為有效修正我偏泛紅嘅膚色。另外有蜜桃同埋淡紫色,分別可以修正暗啞蒼白(前者)同偏黃膚色(後者)。我哋就嚟試一試先~


晴朗媽媽嘅左手自小已經有好多紅點,生完bb可能因生產過程太用力導致紅點情況更嚴重。用呢隻核突手嚟試就啱晒喇!輕輕一抹...


使用前後,真係好大分別呀!感覺膚色均勻咗,仲白咗添!似乎真係發揮到將毛孔與細紋填補修飾嘅功效喎!base仲有埋SPF 15 PA+防曬功能,如果好似晴朗媽媽咁唔多化妝嘅朋友,搽完護膚品後再上一層薄薄嘅base已經可以變靚啲啦!

Multiberry Trial Kit

Multiberry Trial Kit包括咗yogurt mask同埋peeling gel,就等我哋介紹咗peeling gel先啦!

Multiberry Yogurt Peeling Gel

peeling gel嘅質地有啲似牙膏,不過膏裡面夾雜咗幼細嘅磨砂粒子


慢慢響皮膚上按摩打圈,約30秒後,用溫水清洗乾淨就得喇!

Peeling gel好香士多啤梨味,但原來除咗草莓仲有覆盆子、藍莓、蔓越莓等成份。在敷mask之前用佢清潔面部肌膚,有效軟化並徹底消除老化角質層與肌膚表面嘅雜質。死皮磨走咗,皮膚就變得滑lulu啦!唔錯呀!

Multiberry Yogurt Repair Pack

做完peeling,就嚟一個滋潤嘅補濕mask啦!乳酪mask嘅顏色同埋質地就同草莓乳酪一樣,如果唔知仲以為係食得嘅添!XD


連晴晴都聞到好香士多啤梨味呀!


個mask十分之幼滑,質感柔軟,輕輕就可以推開喇!


敷mask期間聞住呢種莓香味,好舒服、好享受呀!大概10-15分鐘後,用溫水清洗就搞掂!潔面後,感覺皮膚明顯嫩滑咗。值得推介!

Sleeping Care Kit

Sleeping Care Kit包括咗面部同咀唇嘅sleeping mask,之前已經介紹過咀唇果款,如需重溫可按以下連結:
http://blog.xuite.net/chinglongtin/blog/393523187

而家就等我哋試下面部sleeping mask啦!

Water Sleeping Mask

幼滑gel狀嘅mask散發出淡淡香味~


沿住肌膚紋理,由內向外柔和塗抹


晴晴都感受到mask嘅水份柔軟質感,慢慢搽勻手背,好好玩喎!


搽好之後,皮膚十分之水潤亮澤!話明sleeping mask,臨瞓前使用,唔駛清洗,一覺瞓到大天光肌膚就會吸飽水份,變得水嫩明亮。補濕功效真係唔錯呀!

Firming Sleeping Pack

唔講真係唔知佢哋出咗咁多款mask,firming sleeping mask除咗補濕之外,仲有埋緊緻功效


奶白色cream狀,質地同之前兩款好唔同,既富有彈性而且摸上手有啲似bb食果啲米糊仔咁呀!


質感厚實,杰杰哋,觸感好得意,大家有機會摸過就知㗎喇!


將佢推開,發現原來唔係想像中咁杰,慢慢就變為液體


晴晴嘗試將mask搽勻響手背上


薄薄一層mask令肌膚立即飽滿有光澤,同樣係唔駛洗,瞓醒肌膚就會變得水潤亮麗,仲會覺得firm咗添!

Laneige出品嘅一向都信心保證!試咗幾款mask,我覺得全部都唔錯。好鍾意Multiberry Yogurt Repair Pack粉紅色嘅包裝,仲有雜錦莓嘅香味。而兩款sleeping mask都好補濕,如果二揀一,我會選擇有埋緊緻功效嘅Firming Sleeping Pack,所以過兩日已經再番去補倉喇!晚晚瞓咗覺都可以畀皮膚吸飽水份,啱晒愛靚但又懶嘅女士們啦!

門市價錢:
Water Supreme Primer Base $270
Firming Sleeping Pack $260

馬上睇埋[PART 2]:http://blog.xuite.net/chinglongtin/blog/454279167


 LANEIGE 
網址:https://www.laneige.com.hk