2016年9月20日 星期二

蝴蝶酥@Fine Foods

同事響附近餅店買咗啲蝴蝶酥番嚟請大家食,一食之下令我想起Royal Garden嘅蝴蝶酥,因為佢哋出品嘅真係令人一試難忘!
Fine Foods蝴蝶酥有兩款,一款係原味,而另一款係原味+芝麻味


貪心之人當然會揀2 mix啦!排列得整整齊齊嘅蝴蝶酥,見到已經好有衝動放入口喇!


原味 - 表面帶有少少焦糖,焗得洽到好處,一丁點燶味都搵唔到,而且勁香牛油味


芝麻味 - 黑白芝麻配搭嘅蝴蝶酥原來可以咁夾,除咗牛油香仲多埋芝麻香。簡直係大愛呀!


晴晴實行每款攞一件,試下邊款最啱口味~ ^o^

一罐放響屋企與家人共嚐,另一罐帶番公司同同事分享,咁就隨時想食都得啦!蝴蝶酥入口好鬆脆,牛油香味仲好濃郁添呀!唔油膩,而且甜度啱啱好!Size唔會好大件,一口咬落去又香又脆。呢啲先稱得上有質素嘅蝴蝶酥嘛!晴晴喜歡原味,而我就比較鍾意芝麻味,真係好香脆可口,當你開始咗食第一塊就會停唔到口。下次經過開又再買過先!一盒250g,大概有三十幾塊,過時過節送禮都係唔錯嘅選擇。值得推介呀!


帝苑餅店 Fine Foods
地址:尖沙咀麼地道69號帝苑酒店大堂
電話:2733 2045