2016年9月8日 星期四

童夢天地 Kids' City @澳門新濠天地

澳門不停有新酒店落成,當中有好多仲要係為我哋呢啲一家大細而設嘅添!Playhouse好自然就成為咗酒店設施嘅一部分喇!如果想去地方大又多嘢玩嘅playhouse,唔駛四圍搵。跟貼啲,跟住我哋嚟啦! 
位於新濠天地酒店(City Of Dreams)嘅童夢天地(Kids' City),第一印像係樓底高、地方大而且好闊落,感覺好舒服。晴朗有福喇!排隊去登記先~ 雖然多人排隊,但登記入場都好快同有秩序呀!


場地對入場人仕嘅衣著有特定要求,我哋已經做足準備喇!yeah!!!


入場玩嘅小朋友一定要穿著長袖衫同埋長褲,而無論大人或小朋友都需要著襪入場㗎! (可按圖放大)


長袖衫及長褲嘅規格 (可按圖放大)


消毒好雙手之後,就戴上手帶


除鞋擺放好,就可以去玩lu~ 連鞋架都設計得咁有心思,成個蜜蜂巢咁。好特別!


嘩!波波池呀!(晴晴雙眼發光ing) *o* 


媽媽~ 我唔等妳喇!~~~


見到波波池,有邊個小朋友唔心動丫!而且笑容都會係一樣㗎!


玩下啲益智動腦筋嘅玩具先~


又可以砌下lego,so happy~


煮飯仔,係女孩子都鍾意嘅啦!


晴晴正為媽媽準備晚餐,煮好未呀?好肚餓喇!XD


好多款馬仔喎!騎邊隻好?


原來唔只馬仔,長頸鹿都好好騎㗎!


「蹦蹦跳」跳彈區有一個大彈床,活躍好動派一定會鍾意啦!


hey~ are you READY???


跳呀!彈呀!撞呀!仲瞓埋添!入到去想點撞、點跳都冇問題,即管盡情地jump jump jump啦!


大人立入禁止,但睇住門外部電視已經可以感受到果份歡樂喇!彈得好搞笑~ XD


「大變身」房間咁似TVB後台化妝間嘅?XD


有多款英雄人物或童話公主服式


呢套公主裙襯唔襯我啫?變變變~


化妝扮靚係每個女孩子都鍾意㗎啦!


「衝天迴旋」區域,兩條滑梯睇落好刺激咁喎!@.@


無論前睇後睇,都一樣咁激,我都想玩埋一份呀!


行入啲又多幾條滑梯,預備好感受刺激體驗未先?


養過倉鼠嘅朋友,會唔會覺得有啲似曾相識?有啲似俾倉鼠鑽來鑽去嘅倉鼠屋咁呀!XD


我哋都入去鑽下囉!


一入到去已經有發現喇!


原來係一隻肥馬仔


再鑽入啲,遇到好多障礙物呀!


試下轉動啲機關,睇下可唔可以成功通過去先~


小心過河唔好跌落去呀!


鑽來鑽去,放電一流!


過三關斬六將,繼續接受新挑戰


「CANNON AREA」滿地都係波波,好似好好玩咁喎!


晴晴二話不說已經樂在其中喇!


原來將啲波放入機關,就會輸送啲波上去。小朋友覺得好神奇,不停循環去執波、放落機關,真係精力無限~


小心上面會有人向你射擊,避開先~


四周望望,發現有兩條更刺激嘅滑梯


60度斜度嘅滑梯你試過未呀?


咦吔!上到去望番落嚟都腳震喇!


由於近乎直落,所以小朋友響瀡滑梯之前都要戴上頭盔保護㗎!


而另一條仲激,近乎80度,即係差10度就已經係直落喇!@.@


......上到去都咪話唔驚呀!Xox


晴朗都係未夠信心向高難度挑戰,不如玩番啲冇乜難度嘅先啦!


動力沙好好玩呀!


聽到廣播就嚟又有活動,小朋友都向「夢劇院」方向急速移動喇!


扭波波工作坊即將開始


小丑先生首先同小朋友一齊做體操,然後再一齊扭波波


好靚嘅粉紅色兔仔旦生喇!


「超電玩」區有多款遊戲機


賽車進行中,最後誰勝誰負呢?


向目標人物掉波波,中呀!又攞多啲分喇!


卜..卜卜....努力、加油!


將啲lego搭高至每關嘅要求,好快又過關喇!


化身為變形金鋼,將狂派一網打盡


夾番個公仔送俾妹妹先~


跟住又嚟緊張刺激嘅射擊遊戲


好多怪獸呀!射呀射...射他吧!


玩推糖機都好考眼明手快㗎!


推咗幾粒糖果出嚟,好有滿足感呀!


中秋節將至,場內四周都掛滿色彩繽紛嘅燈籠,如果我哋都可以擁有一個就好喇!


原來呢期做梗節日活動,可以DIY一個燈籠帶回家。好開心!揀邊款好呢?


晴朗都好俾心機學習喎!抵讚~


仲好專心咁動手整添!睇嚟好快就可以見到佢哋嘅作品喇!


「創藝坊」啱晒充滿藝術天份嘅小朋友,可以透過繪畫同手工,發揮無窮創意同埋想像力


近排至hit係你啦!Pokemon~


而晴晴就鍾意貓頭鷹~ GuGu...Gu...


仲未玩夠?可以出埋去室外遊樂區挑戰「反斗扭計骰」,嘗試攀爬至最高點


晴朗對電動車較為有興趣,一同享受駕駛樂


朗朗係batman愛好者,可以駕駛蝙蝠車,勁開心囉!


玩到餓,又可以到小食部醫下肚


餅乾、糖果、薯片、杯麵、飲品等等一應俱全


仲有蛋糕同埋甜品添!


嘩!我至愛嘅哈記雪糕呀!*o*


陪晴晴去VV嘅時候,發現廁所原來都設計得好靚。小童洗手盆都有成3個,真正係一個專為小童而設嘅洗手間。好貼心!


小童座廁乾淨企理,唔錯呀!


扭蛋唔止係小朋友嘅專利,連大人都想碰碰運氣,睇下扭唔扭得到心頭好


另一邊都有多部扭蛋機,扭唔中?繼續努力啦!^^

童夢天地(Kids' City)佔地1萬7千平方尺,集合探索、創意、星夢、電玩於一身,簡直係兒童夢寐以求嘅玩樂天地呀!場內設有5歲以下同5歲或以上小朋友嘅玩樂區域,咁就唔同年齡層嘅小朋友都可以玩得咁開心啦!入場費未包括「超電玩」遊戲,如果想玩遊戲機,每局$5。價錢都ok喎!


LIKE新濠天地facebook page並upload相片或於社交平台打卡都可以送「超電玩」遊戲兩局㗎!(推糖機和夾公仔機除外,可按圖放大)

手帶附有晶片,將手帶拍埋去遊戲機嘟一嘟就玩得喇!好方便!場地需要小朋友穿著長衫長褲嘅目的其實都係想保護番小朋友,特別係瀡滑梯時可以減少磨擦受傷。好細心!

Kids' City真係好多嘢玩,大人同小朋友都玩得好開心呀!不過兩小時玩樂時間唔多夠喉,晴朗簡直玩到唔捨得走,但我哋要趕去下一個節目,唯有期待下次再來過啦!一定會有下次。We'll be back~


 童夢天地 Kids' City 

對象:17歲或以下
開放時間:10:00~20:00
入場穿著:小朋友入場需要穿著長袖衫(蓋過手腕)、長褲(蓋過腳踝)及襪子,家長亦需穿上襪子
收費:星期一至五 - 小童+成人$120/2小時,另加成人$50/2小時
星期六、日及學校假期 - 小童+成人$150/2小時,另加成人$70/2小時
(新濠天地住客可享有8折優惠)
地址:澳門路氹連貫公路新濠天地3樓
電話:(853) 8868 6688
網址:http://www.cityofdreamsmacau.com/tc/entertainment/detail/kids-city/童夢天地

返回Encore澳門新濠影滙之旅(室內活動版本)http://blog.xuite.net/chinglongtin/blog/451100263