上回講到小朋友響大樹先生玩得開心，呢個係無庸置疑㗎喇！
但食物方面仍有待改進，究竟佢哋啲食物有冇好食咗呢？一齊嚟深入探討下啦！
又嚟到令人興奮嘅藍色波波池喇！大人同小朋友都玩得好hyper呀！
晴晴似乎最鍾情都係玩沙樂，即管盡情地玩吧！
打韆鞦已經打到進入忘我境界喇！woo~ho~~
女孩子一定唔會錯過煮飯仔，其實我都好鍾意玩㗎！一齊玩啦！XD
玩樂嘅嘢上次講咗好多喇！今次主要講食嘅啦！~ (≧∇≦)
上次嚟都冇湯類，今次就試下佢哋嘅鮮茄意大利雜菜湯啦！湯係由紅蘿蔔、西芹、洋蔥、紅腰豆、蕃茄蓉炮製而成，一碟剛好分成兩碗。好快已經給晴朗喝清光，我冇機會試...=='''究竟係太肚餓定太好味，不得而知~
一向都好鍾意食煙三文魚沙律，呢款又係上次餐牌搵唔到嘅！賣相ok喎！蔬菜夠新鮮，煙三文魚又有質素，加少許沙律醬，唔駛多，啱晒我口味呀！晴晴就好欣賞面頭果啲多士脆粒，食完又再添，其實得幾粒咋！留番啲畀我好喎！=='''
主菜嚟喇！香煎三文魚扒一碟有齊肉、蔬菜、薯仔同水果，係咪好吸引呢？
三文魚扒煎得洽到好處，外層薄脆，魚肉嫩滑。配埋蕃茄醬汁放入口，又好味又飽肚。仲有幾粒黑橄欖做點綴，感覺成件事珍貴咗！至於客人我都變得尊貴咗~ XD
脆薯格就最搶手！從來冇益嘅食物都係特別好味㗎啦！一人一件唔駛爭，想要多件嘅話，媽媽總係會話：「熱氣呀！」。但其實好明顯就會落埋媽媽個肚裡面啦！XDD
新鮮水果有西瓜、菠蘿同蜜瓜，西瓜就啱晒朗朗呢個西瓜王子喇！而我食咗菠蘿，好新鮮！酸酸甜甜好開胃呀！
蔬菜配埋黑醋一齊食，又係開胃之作！
香脆炸雞翼由秘製醃料製成，味道唔錯，啱晒鍾意食香口嘢嘅晴朗啦！
凍檸茶嚟講，我最鍾意嘅紅茶係可以清徹見底嘅。好怕茶餐廳果啲混濁且帶苦澀味嘅，呢杯就係我想要嘅嘢嚟喇！真係要唱番句：「啱味！啱晒你」~XD
估唔到食物水準進步咗咁多，大家都食得好開心呀！
即場like facebook同打咭仲有macaroon送添！
朗朗食到成條金魚咁，好可愛呢！
好玩又好食，大滿足呀！Yeah!!!
人要進步，餐廳都要追得上質素。
今次嚟大樹先生係因為晴晴成日都想再嚟玩，所以就相約好友一償佢嘅願望啦！冇預料過食物質素進步咗咁多。向店員查詢過後，原來佢哋換咗大廚，唔怪之得連menu都唔同晒啦！
嚟梗仲會有新菜式推出添！
大樹先生咁努力改進，真係要畀個like佢哋呀！
精益求精，力求盡善盡美亦都係好值得我哋去學習嘅地方。
至於玩方面，晴晴依然係最鍾意玩沙樂，而朗朗第一次嚟大樹先生，勁鍾意個無敵大波波池呀！食同玩都攞滿分，我哋好快又會再嚟過喇！
你可能會有興趣睇下我哋上次去大樹先生嘅經驗：http://blog.xuite.net/chinglongtin/blog/458159061
「大樹先生的家」香港1店
地址：荔枝角長順街15號D2 Place TWO 1樓F舖
訂座電話：31840033
facebook：https://www.facebook.com/Mr.Tree38HK
沒有留言:
張貼留言