2017年8月28日 星期一

【輕巧易用】BRAUN德國百靈牌專業式耳溫槍

小朋友唔舒服,家長就最頭痕㗎喇!晴晴咳咗幾日開始有啲發燒,正想同佢探熱嘅時候先發現用開果支探熱器壞咗!好彩屋企仲有支傳統探熱針,唯有放入晴晴個口度探住先啦!但係塞落個口度探令晴晴唔係咁舒服,於是晴朗爸爸就馬上去買番支電子探熱針喇!
BRAUN德國百靈牌專業式耳溫槍 (Model No.: IRT6520) 萬寧價 $699
之後發現原來團購價做梗$378咋!平好多呀!@.@
團購網址:https://hk.deals.yahoo.com/hong-kong/offer/953988;_ylt=Ang8YQS9sN2ndusFMNESZccd8mRH
不過遠水不能救近火,我哋趕住用,冇計啦!^^'''
用過覺得幾好用,功能上都先進咗,同大家介紹下先~


新款百靈牌耳溫槍設計上多咗個保護盒,用完可以放番落去個盒度備用,比起之前嘅款式方便好多呀!


保護盒唔只可以放置耳溫槍,原來仲收埋咗20個耳套響入面。以前舊款冇保護格,有時都唔知啲耳套放咗去邊呀!而家新設計放埋一齊就唔怕唔見啦!


耳溫槍攞上手輕巧細小,突然覺得舊款好笨重呀!


將新嘅耳套裝響測溫頭上面就可以開始使用喇!


如果唔記得裝耳套就進行唔到測溫,會有提示㗎!


用法好簡單!先按開關掣~


然後選擇年齡組別,預設係0-3個月。每按一下AgeSmart年齡選擇掣就會跳去下一個組別~


3-36個月


36個月以上,晴朗以至我哋大人揀呢個就啱喇!


隔離果個係記憶功能掣,可以顯示番上一次同最近9次嘅探熱記錄~


將測溫頭伸入小朋友耳道,然後㩒一下測溫掣,耳溫槍上嘅指示燈會閃閃下,約3秒後就會聽到bi一聲,測量完成!可以攞番出嚟睇結果喇!


設計咁輕巧,晴晴都可以為自己探熱呀!咁以後每朝寫學校嘅體溫記錄冊就方便得多啦!


ExacTemp指示燈會響測量過程中不停閃,但如果放入耳仔嘅位置唔正確,部機會不停響,ExacTemp指示燈亦會熄,顯示幕會出現「POS」表示位置不正確,咁就要再放入耳仔試過喇!


包裝上已經講咗耳溫槍嘅幾個新科技同賣點,一齊嚟睇下啦!


其實睇顯示嘅顏色已經可以知道有冇發燒:
綠色 - 體溫正常
黃色 - 輕微發燒
紅色 - 高燒


根據臨床研究顯示,原來發燒界定會隨住唔同嘅年齡階段而變化,所以初生bb、小童同埋大人嘅發燒定義會有唔同㗎!


耳溫槍透過探測耳鼓及周圍組織輻射嘅紅外線而測出體溫。為免測溫唔準,耳溫槍會先將測溫頭預熱至接近人體溫度。測溫頭插入耳道之後,耳溫槍就會持續探測紅外線能量,當探到準確讀數後就會出結果~


如果放入位置唔正確,會有閃燈同響聲提示。夜光功能可以在黑暗環境下都能夠測量同睇結果。而記憶功能就可以保存上一次測量結果同埋最近9次嘅讀數~


全個套裝包括咗耳溫槍、保護盒連耳套收藏格、21個耳套、兩粒1.5V AA電池

我哋壞咗果支都係德國百靈牌,不過係舊款,朗朗出世嘅時候用到而家都7年幾喇!算係幾耐用喎!新款不但設計輕巧咗,而且有埋保護盒,唔駛周圍搵耳套,方便好多呀!加上睇顏色已經可以分辨有冇燒,比起之前出結果又快咗喇!有興趣嘅朋友要買趁手!團購做埋呢兩日咋!


BRAUN德國百靈牌專業式耳溫槍
產品資料:http://www.brauntherms.com/thermometer/thermoscan-7-ear-thermometer-irt6520


FIND US on:
     

BLOGs:

CONTACT US: