2017年8月14日 星期一

【趣味學習】牙齒和牙肉 TEETH & GUMS @EIN-O SCIENCE

想當年我哋讀幼稚園嘅年代,都好似只係日日番去玩幾個鐘,傻下傻下就過咗幾年。而家嘅幼稚園生活同以前好唔同,除咗食同玩,仲要做project,真係唔簡單呀!最近晴晴響學校就做梗有關牙齒嘅專題研集,需要帶資料番去同同學一齊討論。幼稚園生咋喎!點解啲課程咁似中學生嘅?不過都係愉快學習下進行嘅!OK啦!咁啱去開太空館見到有個模型好啱駛,好玩又學到嘢!一於買畀晴晴番學校討論用啦!
EIN-O SCIENCE嘅BIO SIGNS系列除咗牙齒之外,仲有心臟、腦部、皮膚、眼睛....等等。可以自小就培養小朋友對Bio嘅興趣~


唔好睇佢盒子小小,其實內裡包含咗好多嘢㗎!*o*


睇睇說明書點樣磡砌番好啲牙齒先~


對於小朋友嚟講都算容易,自己一個已經能夠砌好喇!


過程中,仲可以學埋牙齒同牙肉嘅唔同部份。晴晴好驚訝原來牙齒入面有血管㗎!@.@


成個模型都整得十分細緻,我同晴晴都大開眼界呀!^^


最好玩係可以逐個部位拆出嚟!邊拆邊學,話咁易就將知識入晒腦啦!^o^


晴晴笑到見牙唔見眼咁問:「我啲牙靚啲定模型啲牙呀?」XD


BIO SIGNS: HUMAN ANATOMY MODELS係一套設計得唔錯嘅教材,好啱用!好滿意!


說明書仔講解得好仔細,牙齒嘅種類、數量、功能、各部份名稱,甚至乎牙齒保護都有齊,就好似上咗堂Bio課咁。邊睇邊同小朋友講解,佢哋都覺得好有興趣呀!

正當煩惱梗帶咩資料番學校嘅時候,就響太空館見到呢set模型。太好喇!所以幾時都話出多啲街係冇錯㗎啦!模型以牙齒和埋藏在牙肉的牙根嘅橫切面設計而成,不但令我哋了解多咗牙齒同牙肉之間嘅關係,仲培養咗晴晴對Bio嘅興趣。響學校分享方面,更加係大派用場!模型淺易,容易掌握,家長只要在旁講解,小朋友都能夠明白喇!輕鬆學習得到嘅知識,印像都深刻啲啦!上網見到EIN-O SCIENCE除咗BIO SIGNS系列外,仲有好多唔同嘅科學實驗Box Set好啱富有探索精神嘅晴朗,一於逐一試晒佢哋其他產品先得呀!


EIN-O SCIENCE
網址:http://www.ein-o.com
購買地點:香港太空館香港科學館機場Exploration StoreExploration Store網站


FIND US on:
     

BLOGs:

CONTACT US: