2017年8月14日 星期一

【隨傳隨到】Deliveroo餐飲外賣服務

胃食兵團又四出搵食喇!今次我哋足不出戶就已經可以品嚐不同美食,皆因學識咗點用Deliveroo手機app呀!科技進步,就有呢個好處。不過咁樣會養懶人㗎喇!但響現今呢個爭分奪秒嘅時代,時間等於金錢,最緊要方便快捷丫嘛!
每逢weekend,晴朗嫲嫲唔駛過來我哋屋企幫手照顧晴朗。我哋都會煮啲簡單嘢、出外食或者買外賣嚟應付三餐。自從用咗Deliveroo餐飲外賣服務之後,因為實在太方便,差唔多星期六、日都總會幫襯佢哋呀!

我哋曾經試過叫茶餐廳嘅食物,嚟到都仲熱辣辣㗎!*o*


又叫過上海料理,唔錯喎!唔係響deliveroo睇到都唔知原來屋企附近有上海餐廳,晴朗都食得好開心!^o^


香港人始終有種地道情懷,心血來潮好想食車仔麵,結果真係如我所願,理想達到呀!*o*


可能大家會覺得,呢啲嘢周街都食到啦!但係我哋響呢度住咁耐,都唔知原來附近有車仔麵食。一開app就搵到想食嘅嘢,仲要送到嚟屋企。真係好方便呀!^o^


「媽媽又叫咗咩嘢食呀?」

晴晴每次都係最心急果個,好明顯佢係胃食妹嚟啦!XD


今次因為突然好想食韓式卡邦尼汁炒年糕,所以就order咗韓國料理喇!


除咗年糕外,仲有紫菜飯卷同韓式便當添!大滿足!*o*

大家睇見咁多美食,係咪都覺得好正呢?

唔駛出門口都有唔同美食送上門,快捷方便!

夏天天氣咁熱,開冷氣煲住韓劇等嘢食到,果個感覺真係好嘆㗎!

有好嘢!梗係要教埋大家用啦!

快啲download番個手機app,一齊來試試~


開啟deliveroo手機app後,會顯示附近嘅餐廳。只要有顯示,都可以落order㗎!


就以我哋最近叫韓國嘢食為例,睇中邊間餐廳就click入去,然後可以睇menu~


跟住揀食物加入購物籃,揀好晒就按「查看購物籃」,double check一下食物係咪點齊,同確認一下數量~


有一點要留意!$85以下嘅訂單要收額外費用$55。既然係咁,梗係叫超過$85嘅食物啦!相信冇人會願意付額外收費卦~ XD


確認訂單後,就會開始計時。想知道自己點選嘅食物幾時送到,一目了然~


每次呢個時候係最緊張㗎!因為估計送遞員已經響屋企附近喇!


送遞時間比預期快,唔駛半小時就已經送到,自己出去買都唔得啦!@o@


如遇天氣唔好,app會有通知,送遞時間可能會有啲延誤。不過都係畀定心理準備大家啫!我記得果次都係大概半小時就送到~


我見deliveroo不斷有新餐廳加入,完全冇諗過連壽司、雪糕、雪條甚至乎甜品都有得外賣囉!下次一定要試試先得呀!^o^

我哋居住嘅地方樓下百無,如果想買嘢就要步行大約15分鐘到附近屋邨便利店或超級巿場購買,其實都好唔方便,點解當初會揀呢度住㗎?我都唔記得咗喇!用咗deliveroo之後,晴朗爸爸唔駛特登揸車出去買外賣,少啲州車勞頓,又可以多啲時間培晴朗玩。安在家中就可以食到不同美食,實在係啱晒懶人一族呀!大家都立即download手機app睇下附近有咩嘢心水餐廳啦!


 Deliveroo餐飲外賣服務 
查詢電話:5808 8718
網址:https://deliveroo.hk/zh
facebook: https://www.facebook.com/deliveroohk


FIND US on:
     

BLOGs:

CONTACT US: