2017年8月16日 星期三

【培育好幫手】小小藝術家套裝 Little Artist Kit@Moving Art Room

小朋友擁有著天馬行空般嘅想像力,就係因為佢哋創意無限,我變得越嚟越鍾意欣賞佢哋嘅「大作」。雖然有時見到一啲類似「畢加索」嘅抽象畫時,唔太明白畫梗啲咩?但呢啲正正就係小朋友世界裡面所觀察到嘅事物,好可愛㗎!見佢哋對藝術有興趣,我哋最近試咗套教材覺得唔錯,想同大家分享下呀!
Moving Art Room出嘅小小藝術家套裝 (Little Artist Kit) $260

包裝精緻,盒上設計印有紅絲帶同蝴蝶結,就好似一份禮物咁呀!

小朋友見到又點會唔心動丫?*o*


套裝包括兩本書、粉彩、顏料、畫筆同埋膠紙。工具同材料都齊備,仲等咩呀?


晴朗已經急不及待想馬上玩喇!唔好咁心急住!不如我哋先睇睇圖書,了解咗故事內容先啦!


圖書主題圍繞住全球暖化問題同北極小知識,事不延遲!Gogogo~


大家知唔知道北極響邊度?

原來係響地球嘅頭頂位置,而且四處都係冰塊,凍過我哋住嘅地方好多㗎!


晴晴想像唔到咁凍嘅環境之下,人同動物點樣居住,好大個問號呀!XD


原來北極除咗海象之外,仲有一種動物叫做「一角鯨」~


真係聞所未聞,晴朗都覺得好有趣呀!


大家又有冇諗過全球暖化會對北極造成咩嘢影響?

晴朗異口同聲答道:「北極啲冰會溶化!」

冇錯呀!咁如果啲冰溶咗,北極嘅動物又會點呢?


晴朗見到好多隻海象迫埋一齊,企響一塊細小嘅冰上都覺得好有趣。但其實全球暖化會對動物造成好大嘅影響,除咗居住環境差咗之外,仲會令佢哋更加容易被覓食者獵殺㗎!


咁我哋可以做啲咩去減慢全球暖化呀?


晴朗你一言,我一語,好快講咗幾個point。總括而言,我哋要節約能源同埋減少垃圾、廢氣排放先得呀!


睇完故事,我哋對北極同保護環境都了解多咗!

係時候開始另一本教材喇!


呢本書包括咗好多圖工樣板同製作說明。馬上開始囉!^o^


首先我哋將啲圖形剪晒出嚟先啦!


估唔估到朗朗剪梗嘅係咩嘢動物呢?


可能未係太似難估啲,用埋套裝附送嘅顏色筆畫多少少先~


畫埋眼睛,應該似十足一隻海象喇卦?


除咗剪同畫,仲需要用套裝附送嘅雙面膠紙嚟製作底座~


貼好之後,海象就識得企喇!係咪即刻活潑生動咗呢?^o^


海象完成後,就到製作冰塊~


剪剪貼貼,好快就整好幾件冰塊畀海象坐上去喇!


接住落嚟要整冰山呀!


有山當然要有埋水先似樣啦!用膠紙將兩張紙拼貼變成一張大畫紙~


再響上面畫出海浪,剪出波浪紋就變成海面喇!


最後,將4條一角鯨剪貼落去海面上。剪貼部份完成!Yeah!!! ^^V


成個北極場景活現眼前,好壯觀喔~ *o*

咁仲未夠㗎!上埋顏色肯定會仲靚呀!


經過商議後,晴朗認為海洋嘅顏色係藍藍哋又有啲綠色。既然係咁!就試下溝色啦!


弊傢伙!點解唔見晒啲一角鯨㗎?係咪晴朗油得太興奮蓋過晒佢哋?@.@


唔駛咁驚!原來將啲一角鯨逐條搣番出嚟,特別效果就出現喇!*o*


等啲顏料乾咗!就可以幫佢哋上色~


然後就為冰塊填色,晴朗都好投入,大家都十分期待想將作品盡快完成呀!


海象填咩色好呢?我哋去海洋公園見過係啡色㗎!


晴晴提議運用自己嘅想像力,創作一隻獨一無二嘅小海象~

好呀!又可以發揮無限創意~


唔好唔記得仲有冰山需要填色,進入最後階段,大家都開行turbo努力埋尾喇!


黃色嘅一角鯨顯得有啲單調,不如加多啲顏色畀佢,等佢哋變得特別啲囉!


嘩!北極大project順利完成!*o*


大功告成!我哋都好有滿足感呀!Yeah!!! ^^V

可以同晴朗一齊合力完成呢個大project好開心呀!「小小藝術家套裝」除咗可以培養小朋友對藝術嘅興趣,仲認識多咗全球暖化同北極嘅知識,又好玩又學到嘢!好滿足!睇圖書嘅時候,我不斷向佢哋發問問題同引導思考,有效訓練小朋友嘅思考能力。製作北極場景過程中,晴朗能夠分工合作,仲一齊商議用咩顏色會好啲?合作精神又得以提升喇!不過咁大個project,需要分階段進行,唔同階段有唔同趣味,我哋都好享受咁有質素嘅親子時光呀!

學習藝術,可以增強手部靈活度、美感、觀察力、創意同自信心。將來唔一定要修讀美術系或從事美術有關嘅工作,但擁有美學嘅人總會在生活、學習、就業、職場等方面獲得更大嘅認同。因為人生路上,到處都會接觸到美學。希望大家都能夠從美術中搵到樂趣同好處啦!

有興趣購買Little Artist Kit嘅朋友,不仿考慮一下Moving Art Room最新推出買3盒,每盒即享$20折扣或買5盒,每盒即享$30折扣優惠呀!

如果想買一盒都可以享有優惠?得!只要響購買時備註「晴朗天優惠」,就可以$230優惠價購買喇!送禮物畀小朋友係應該送呢啲加嘛!比起一般玩具更具學習意義啦!


Moving Art Room
地址:新界荃灣大河道99號99廣場16樓1601室
查詢電話:26122839
門巿:Appletree http://www.appletree.com
網址:http://www.movingartroom.com
facebook:https://www.facebook.com/movingartroom


FIND US on:
     

BLOGs:

CONTACT US:

沒有留言:

張貼留言